ຕາມ​ຂ່າວ CRI: ວັນ​ທີ 17 ພະຈິກ​ນີ້, ງານ​ວາງສະ​ແດງ​ສະພາບ​ສິດທິ​ມະນຸດ​ຂອງ​ຈີນ ​ເຊິ່ງ​ແມ່ນ​ງານ​ວາງສະ​ແດງ​ຂະໜາດ​ໃຫຍ່​ທີ່​ຖື​ສິດທິ​ມະນຸດ​ເປັນ​ຫົວ​ຂໍ້​ໄດ້​ຈັດ​ຂຶ້ນ​ຢູ່​ທີ່​ປັກ​ກິ່ງ​ເປັນ​ຄັ້ງ​ທຳ​ອິດ.

​ໃນ​ພິທີ​ໄຂ​ງານ, ທ່ານ​ໄຊ້ອູ ຫົວໜ້າ​ຫ້ອງການ​ຖະ​ແຫຼງຂ່າວ​ລັດ​ຖະ​ບານ​ຈີນ​ກ່າວ​ວ່າ, ປີ​ນີ້​ພໍ​ດີ​ແມ່ນ​​ສະຫະ​ປະຊາ​ຊາດ​ຮັບຮອງ​ເອົາ "ສົນທິສັນຍາສາກົນ​ກ່ຽວ​ກັບ​ສິດ​ພົນ​ລະ​ເມືອງ​ແລະ​ສິດ​ການ​ເມືອງ​" ​ແລະ "ສົນທິສັນຍາ​ສາກົນ​ກ່ຽວ​ກັບສິດ​ທິ​ເສດ​ຖະ​ກິດ ສັງ​ຄົມ​ແລະ​ວັດ​ທະ​ນະ​ທຳ​" ຄົບຮອບ 40 ປີ, ​ແລະກໍ່​ແມ່ນ​ຈີນ​ປະກາດ "ສະ​ພາບ​ສິດ​ທິ​ມະ​ນຸດ​ຂອງ​ຈີນ" ​ເຊິ່ງ​ແມ່ນ​ປື້​ມປົກ​ຂາວ​ສິດທິ​ມະນຸດ​ຈີນ​ສະບັບທຳ​ອິດ​ຄົບຮອບ 15 ປີ. ທ່ານ​ກ່າວ​ວ່າ, ການ​ຍຶດ​ໝັ້ນ​ຫຼັກ​ການ​ໃນ​ລັດ​ຖະທຳ​ມະນູນ​ທີ່ "ລັດ​ໂຄລົບ​ແລະ​ຮັບປະກັນ​ສິດທິ​ມະ​ນຸດ", ຊຸກ​ຍູ້​ພາ​ລະ​ກິດ​ສິດ​ທິ​ມະ​ນຸດ​ຂອງ​ຈີນ​ໃຫ້​ມີ​ຄວາມ​ກ້າວໜ້າ​ແລະ​ພັດທະນາ​ຢ່າງ​ບໍ່​ຢຸດ​ຢັ້ງ​ນັ້ນ ​ໄດ້​ກາຍ​ເປັນ​ທັດ​ສະ​ນະ​ຄະ​ຕິ​ກຳ​ອຳນາດ​ທີ່​ສຳຄັນ​ຂອງ​ລັດຖະບານ​ຈີນ.

ງານ​ວາງສະ​ແດງ​ເທື່ອ​ນີ້​ໄດ້​ວາງສະ​ແດງ​ວັດຖຸ​ສິ່ງ​ຂອງ ​ເຊັ່ນ ຮູບ​ພາບ ຕົ້ນ​ສະ​ບັບ​ກົດ​ໝາຍ​ ​ແລະ​ວິທີ​ອື່ນໆ ​ເຊັ່ນ ລະບົບ​​ເຄືອ​ຂ່າຍ ຈໍສາຍ​ເລື່ອງ​ລາວ​ຕ່າງໆ​ແລະ​​ເທັບ​ຫຼື​ວີ​ດີ​ໂອ​​ເປັນ​ຕົ້ນ, ​ໄດ້​ສະ​ແດງ​ໃຫ້​ເຫັນ​ໝາກຜົນ​ທີ່​ຍາດ​ມາ​ໄດ້​ໃນ​ຂົງ​ເຂດ​ຊຸກ​ຍູ້​ສິດ​ດຳ​ລົງ​ຄົງ​ຕົວ ສິດ​ພັດ​ທະນາ​ແລະການປົກ​ປັກ​ຮັກສາ​ສິດ​ແລະ​ຜົນ​ປະ​ໂຫຍດ​ຕ່າງໆ​ຂອງ​ປະ​ຊາ​ຊົນ ນັບ​ແຕ່​ສາ​ທາ​ລະ​ນະ​ລັດ​ປະຊາຊົນຈີນສ້າງຕັ້ງຂຶ້ນ 50 ກວ່າ​ປີ​ມາ​ນີ້.