|
|
 |
| (GMT+08:00)
2006-11-17 21:03:37
|
 |
|
ທ່ານຫູຈິນທາວເຂົ້າຮ່ວມກອງປະຊຸມສຸດຍອດຜູ່ນຳອຸດສາຫະກຳການຄ້າຂອງອົງການເອເປັກແລະພົບປະຜູ່ນຳຫວຽດນາມ
cri
ຕາມຂ່າວCRI,ວັນທີ17ພະຈິກ,ຢູ່ທີ່ຮ່າໂນຍ ທ່ານຫູຈິນທາວ ປະທານປະເທດຈີນໄດ້ເຂົ້າຮ່ວມກອງປະຊຸມສຸດຍອດຜູ່ນຳອຸດສາຫະກຳການຄ້າຂອງອົງການເອເປັກແລະໄດ້ພົບປະກັບຜູ່ນຳຂອງຫວຽດນາມ.
ໃນເວລາເຂົ້າຮ່ວມກອງປະຊຸມ,ທ່ານຫູຈິນທາວໄດ້ກ່າວຄຳປາໄສໂດຍໄດ້ຊີ້ອອກໂອກາດແລະການທ້າທາຍທີ່ພາກພື້ນອາຊີປາຊີຟິກປະເຊີນ ແລະສະເໜີເຈຈຳນົງຂອງຝ່າຍຈີນກ່ຽວກັບການຊຸກຍູ້ໃຫ້ພາກພື້ນພັດທະນາຢ່າງສະໝ່ຳສະເໝີແລະຍືນຍົງ.
ທ່ານຫູຈິນທາວຍັງໄດ້ກ່າວຢ້ຳວ່າ,ຈີນ ຍຶດໝັ້ນເດີນຕາມເສັ້ນທາງພັດທະນາໂດຍສັນຕິ,ຈະສືບຕໍ່ເຂົ້າຮ່ວມການຮ່ວມມືດ້ານເສດຖະກິດລະຫວ່າງຊາດໃນຂອບເຂດແລະຂົງເຂດກວ້າງກວ່າເກົ່າແລະມີລະດັບສູງກວ່າເກົ່າ.ສືບຕໍ່ຊຸກຍູ້ການຮ່ວມມືດ້ານເສດຖະກິດແລະການເຈລະຈາເຂດການຄ້າເສລີຂອງພາກພື້ນ,ສືບຕໍ່ສະໜອງການຊ່ອຍເຫຼືອແລະການສະໜັບສະໜູນ ໃຫ້ແກ່ປະເທດພວມພັດທະນາຕາມຄວາມສາມາດຂອງຕົນ.
ວັນທີ17ພະຈິກນີ້,ທ່ານຫູຈິນທາວຍັງໄດ້ແຍກອອກພົບປະກັບທ່ານຫວຽນຟູຈົງ ປະທານສະພາແຫ່ງຊາດແລະທ່ານຫວຽນຕັນດົງ ນາຍົກລັດຖະມົນຕີຂອງຫວຽດນາມ,ໄດ້ບັນລະຍາຍເຈຈຳນົງຂອງຝ່າຍຈີນກ່ຽວກັບການເພີ່ມທະວີການຮ່ວມມືລະຫວ່າງອົງການນິຕິບັນຍັດແລະຮ່ວມມືດ້ານເສດຖະກິດການຄ້າລະຫວ່າງສອງຝ່າຍ.ທ່ານຫວຽນຟູຈົງກ່າວວ່າ,ສະພາແຫ່ງຊາດຫວຽດນາມຄອງຄອຍໃຫ້ອົງການນິຕິບັນຍັດຂອງສອງປະເທດເພີ່ມທະວີການແລກປ່ຽນແລະຮ່ວມມືກັນ.ທ່ານຫວຽນຕັນດົງກໍເຫັນດີເຫັນພ້ອມນຳຂໍ້ສະເໜີຂອງທ່ານຫູຈິນທາວກ່ຽວກັບການຂະຫຍາຍການພົວພັນດ້ານເສດຖະກິດການຄ້າລະຫວ່າງສອງປະເທດ,ຫວັງໃຫ້ສອງຝ່າຍເລັ່ງລັດວາງແຜນການໄລຍະຍາວໄກກ່ຽວກັບການຮ່ວມມືດ້ານເສດຖະກິດການຄ້າ.
|
|
|
