|
|
 |
| (GMT+08:00)
2006-11-19 11:09:27
|
 |
|
ທ່ານຫູຈີທາວພົບປະຜູ່ນຳສະມາຊິກເອເປັກສ່ວນຫນຶ່ງ
cri
Author: sayvanny
ຕາມຂ່າວ cri: ໃນໄລຍະຈັດກອງປະຊຸມບໍ່ເປັນທາງການຂອງຜູ່ນຳສະມາຊິກອົງການເອເປັກຄັ້ງທີ 14, ວັນທີ 18 ພະຈິກນີ້, ທ່ານຫູຈີນທາວ ປະທານປະເທດຈີນທີ່ໄປເຂົ້າຮ່ວມກອງປະຊຸມດັ່ງກ່າວໄດ້ພົບປະກັບຜູ່ນຳສະມາຊິກສ່ວນຫນຶ່ງຢູ່ຮ່າໂນຍ, ໄດ້ແລກປ່ຽນຄວາມເຫັນກ່ຽວກັບການພົວພັນສອງຕໍ່ສອງແລະບັນຫາຊຸກຍູ້ຂະບວນວິວັດຂອງອົງການເອເປັກ.
ໃນເວລາພົບປະກັບທ່ານປູຕິນ ປະທານາທິບໍດີຣັດເຊຍ,ທ່ານຫູຈີນທາວຊີ້ອອກວ່າ, ສອງຝ່າຍຄວນສືບຕໍ່ທຳຄວາມພະຍາຍາມ, ທຸ່ມເທເຫື່ອແຮງເຂົ້າໃນການເປີດກວ້າງຂະຫນາດການຮ່ວມມື, ຍົກຄຸນນະພາບການຮ່ວມມືໃຫ້ສູງຂຶ້ນ,ຊຸກຍູ້ການຮ່ວມມືດ້ານເສດຖະກິດການຄ້າລະຫວ່າງສອງປະເທດຂຶ້ນສູ່ລະດັບໃຫມ່.ທ່ານປູຕິນເວົ້າວ່າ, ຣັດເຊຍສະຫນັບສະຫນູນວິສາຫະກິດຈີນເຂົ້າຮ່ວມການພັດທະນາຊັບພະຍາກອນຂອງຣັດເຊຍ.ຫວັງໃຫ້ສອງຝ່າຍ ເພີ່ມທະວີການຮ່ວມມືໃນຂົງເຂດອະນຸລັກສິ່ງແວດລ້ອມ, ສ້າງຄວາມຜາສຸກໃຫ້ແກ່ປະຊາຊົນສອງປະເທດ.
ໃນເວລາພົບປະກັບທ່ານຊິນໂຈອາເບ ນາຍົກລັດຖະມົນຕີຍີ່ປຸ່ນ, ສອງຝ່າຍເປັນເອກະສັນກັນກ່າວວ່າຈະສືບຕໍ່ຮັກສາທ່ວງທ່າທີ່ດີໃນການຂະຫຍາຍການພົວພັນລະຫວ່າງສອງປະເທດ, ພ້ອມກັນຊຸກຍູ້ການພົວພັນສອງຝ່າຍໃຫ້ຂະຫຍາຍໄປສູ່ລະດັບສູງກວ່າເກົ່າ. ສອງຝ່າຍຍັງກ່າວວ່ຈະພ້ອມກັນທຳຄວາມພະຍາຍາມ, ແກ້ໄຂບັນຫານິວເຄຼຍແຫລມເກົາຫລີດ້ວຍການສົນທະນາກັນ.
ໃນເວລາໂອ້ລົມກັບທ່ານຊູຊີໂລ ປະທານາທິບໍດີອິນໂດເນເຊຍ, ສອງຝ່າຍໄດ້ສະແດງຄວາມເພິ່ງພໍໃຈຕໍ່ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດທີ່ໄດ້ຮັບການຊຸກຍູ້ຢ່າງຮອບດ້ານແລະການກໍ່ສ້າງໃນດ້ານພະລັງງານ ພະລັງໄຟຟ້າແລະສິ່ງກໍ່ສ້າງພື້ນຖານໂຄງລ່າງແລະດ້ານຕ່າງໆ, ເຫັນວ່າຈະລົງເລິກການພົວພັນສອງຝ່າຍເລື້ອຍໆ, ເປີດກວ້າງການຮ່ວມມືທີ່ຕ່າງຝ່າຍຕ່າງມີຜົນປະໂຫຍດ.
ວັນທີ 19 ພະຈິກນີ້, ທ່ານຫູຈີນທາວຍັງໄດ້ພົບປະກັບທ່ານບຸສ ປະທານາທິບໍດີອາເມລິກາ.
|
|
|
