|
ທ່ານບຸສກ່າວວ່າ,ຖ້າສປປເກົາຫລີປະລະແຜນການນີວເຄຼຍ ອາເມລິກາສາມາດພິຈາລະນາຈະຫາລືບັນຫາຄວາມປອດໄພແລະການຊ່ອຍເຫືຼອດ້ານເສດຖະກິດກັບສປປເກົາຫລີ
cri
ຕາມຂ່າວສານຊິນຮວາ: ວັນທີ 18 ພະຈິກ,ຢູ່ຮ່າໂນຍ ທ່ານຈັອດ ບຸສ ປະທານາທິບໍດີອາເມລິກາທີ່ເຂົ້າຮ່ວມກອງປະຊຸມບໍ່ເປັນທາງການຜູ້ນຳອົງການຮ່ວມມືດ້ານເສດຖະກິດອາຊີປາຊິກຟິກຫລືເອເປັກຄັ້ງທີ 14ເວົ້າວ່າ,ຖ້າສປປເກົາຫລີປະລະແຜນການນີວເຄຼຍ,ອາເມລິກາສາມາດພິຈາລະນາຈະຫາລືການຈັດວາງດ້ານຄວາມປອດໄພແລະບັນຫາຊ່ອຍເຫືຼອດ້ານເສດຖະກິດກັບສປປເກົາຫລີ.
ທ່ານບຸສແມ່ນສະແດງທັດສະນະດັ່ງກ່າວໃນເວລາພົບປະໂອ້ລົມກັບທ່ານໂຣມູຢຸນ ປະທານາທິບໍດີສ.ເກົາຫລີໃນມື້ດຽວກັນ.ໃນການພົບປະໂອ້ລົມກັນ,ທ່ານບຸສຍັງຢາກຊັກຊວນໃຫ້ສ.ເກົາຫລີປະຕິບັດມະຕິຕົກລົງຂອງສະພາຄວາມໝັ້ນຄົງສະຫະປະຊາຊາດກ່ຽວກັບການລົງໂທດສປປເກົາຫລີນັ້ນຢ່າງຮອບດ້ານ,ແລະຮັບເອົາຂໍ້ລິເລີ່ມຄວາມປອດໄພປ້ອງກັນການແຜ່ຜາຍທີ່ມີຈຸດປະສົງປ້ອງກັນການແຜ່ຜາຍອາວຸດທຳລາຍລ້າງຢ່າງຂະໜາດໃຫຍ່ແລະອຸປະກອນທີ່ກ່ຽວຂ້ອງນັ້ນຢ່າງຮອບດ້ານ.
ທ່ານໂຣມູຢຸນກ່າວວ່າ,ສ.ເກົາຫລີຈະບໍ່ເຂົ້າຮ່ວມຂໍ້ລິເລີ່ມຄວາມປອດໄພປ້ອງກັນການແຜ່ຜາຍຢ່າງຮອບດ້ານ,ແຕ່ສະໜັບສະໜູນຫລັກການແລະເປົ້າໝາຍທີ່ກຳນົດໄວ້ໃນຂໍ້ລິເລີ່ມ,ທັງເຫັນດີໃຫ້ການຮ່ວມມືໃນດ້ານສະກັດກັ້ນການຂົນສົ່ງອາວຸດທຳລາຍລ້າງຢ່າງຂະໜາດໃຫຍ່ຢູ່ພາກພື້ນອາຊີຕາເວັນອອກສຽງເໜືອ.
|
|
