|
ກອງປະຊຸມບໍ່ເປັນທາງການຂອງຜູ້ນຳອົງການເອເປັກອອກຖະແຫຼງການຮຽກຮ້ອງໃຫ້ຟື້ນຟູການເຈລະຈາຮອບໂດຮາ
cri
Author: cai
ຕາມຂ່າວCRI:ວັນທີ 18 ພະຈິກ,ຢູ່ຮາໂນ້ຍ ນະຄອນຫຼວງຫວຽດນາມ,ກອງປະຊຸມບໍ່ເປັນທາງການຂອງຜູ້ນຳອົງການເອເປັກຄັ້ງທີ 14 ໄດ້ອອກຖະແຫຼງການ,ຮຽກຮ້ອງໃຫ້ແກ້ໄຂສະພາບທີ່ບໍ່ໄປບໍ່ມາຂອງການເຈລະຈາຮອບໂດຮາ,ຟື້ນຟູການເຈລະຈາ,ແລະເຮັດໃຫ້ການເຈລະຈາສຳເລັດຜົນຢ່າງຈົບງາມ.
ຖະແຫຼງການຂຽນວ່າ,ຜູ້ນຳຂອງສະມາຊິກອົງການເອເປັກກ່າວຢ້ຳວ່າ,ຈະຜ່ານຈາກຄວາມພະຍາຍາມແຕ່ລະຝ່າຍແລະຫຼາຍຝ່າຍເພື່ອເຮັດໃຫ້ການເຈລະຈາຮອບໂດຮາໄດ້ຮັບໝາກຜົນທີ່"ໃຫຍ່ຫຼວງແລະສະໝ່ຳສະເໝີກັນ".ເພື່ອເລື່ອງນີ້,ການແກ້ໄຂສະພາບທີ່ບໍ່ໄປບໍ່ມາຂອງການເຈລະຈາຮອບໂດຮາໃນປະຈຸບັນນີ້,ໄດ້ເປັນເລື່ອງຮີບດ່ວນ,ການຟື້ນຟູການເຈລະຈາເລື່ອນເວລາອີກບໍ່ໄດ້.
ຖະແຫຼງການຂຽນວ່າ,ໃນການເຈລະຈາຮອບໂດຮາ,ສະມາຊິກອົງການເອເປັກລ້ວນແຕ່ຈະຜ່ອນສັ້ນຜ່ອນຍາວໃນຫຼັກໝັ້ນຂອງຕົນໃນປະຈຸບັນ.ຜູ້ນຳທີ່ຮ່ວມປະຊຸມໄດ້ໃຫ້ຄຳໝັ້ນສັນຍາວ່າຈະຫຼຸດເງິນເກື້ອກູນດ້ານກະສິກຳແລະພາສີຜະລິດຕະພັນອຸດສາຫະກຳຕື່ມອີກ.
|
|
