|
"ສະບາຍດີ ທ່ານທັງຫຼາຍ,ມື້ນີ້ ຂ້າພະເຈົ້າກັບທ່ານປະທານຈູມມະລີ ໄຊຍະສອນພ້ອມກັນເຂົ້າຮ່ວມພິທີເລີ່ມອອກອາກາດຂອງວິທະຍຸສາກົນແຫ່ງປະເທດຈີນ CRI FM93MHz ທີ່ວຽງຈັນ. ກ່ອນອື່ນ ຂ້າພະເຈົ້າຂໍສົ່ງຄວາມຢື້ຢາມຖາມຂ່າວອັນອົບອຸ່ນແລະຄວາມອວຍພອນອັນດີງາມຂອງພັກ ລັດແລະປະຊາຊົນຈີນຕໍ່ພັກ ລັດແລະປະຊາຊົນລາວ."
ເວລາ 19 ໂມງ 50 ນາທິຂອງວັນທີ 19 ພະຈິກນີ້,ທ່ານຫູຈິນທາວເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນໄດ້ສົ່ງຄວາມຢື້ຢາມຖາມຂ່າວອັນອົບອຸ່ນມາຍັງປະຊາຊົນລາວ ໂດຍຜ່ານວິທະຍຸສາກົນແຫ່ງປະເທດຈີນ CRI FM93MHz. ຄື້ນວິທະຍຸໄດ້ສົ່ງຄວາມອວຍພອນອັນດີງາມຂອງທ່ານປະທານຫູຈິນທາວແລະມິດຕະພາບອັນຈິງໃຈຂອງປະຊາຊົນຈີນໄປເຖິງຄອບຄົວນັບເປັນພັນເປັນໝື່ນທີ່ນະຄອນຫຼວງວຽງຈັນ.
ຕອນຄ່ຳມື້ດຽວກັນ,ຢູ່ທີ່ຫ້ອງປະຊຸມຂອງຫ້ອງວ່າການສູນກາງພັກປະຊາຊົນປະຕິວັດລາວທີ່ກວ້າງໃຫຍ່ແລະແຈ້ງສະຫວ່າງ,ຢູ່ເທິງປ້າຍແຜ່ນໃຫຍ່ສີແດງທີ່ແຕ້ມສິ່ງກໍ່ສ້າງເປັນສັນຍາລັກຂອງຈີນແລະລາວຄື:ຫໍຟ້າແລະທາດຫຼວງ,ແລະໄດ້ຂຽນເປັນໜັງສືລາວແລະຈີນທີ່ວ່າ" ພິທີເລີ່ມອອກອາກາດຂອງວິທະຍຸສາກົນແຫ່ງປະເທດຈີນ CRI FM93 MHz ".ທ່ານປະທານຫູຈິນທາວທີ່ໄປເຖິງນະຄອນຫຼວງວຽງຈັນ ຢ້ຽມຢາມລາວທາງລັດຖະກິດນັ້ນ ໄດ້ຍ່າງເຂົ້າຫ້ອງປະຊຸມຂອງຫ້ອງວ່າການສູນກາງພັກທີ່ມີທ່ານຈູມມະລີໄຊຍະສອນ ປະທານປະເທດລາວເປັນເພື່ອນ,ສອງທ່ານພ້ອມກັນກົດປຸ່ມເລີ່ມອອກອາກາດຂອງ CRI FM93 MHz ທີ່ວຽງຈັນ,ເປັນສັກຂີພິຍານຂອງເຫດການໃຫຍ່ສຳລັບການຮ່ວມມືແລະແລກປ່ຽນໃນຂົງເຂດວັດທະນະທຳລະຫວ່າງສອງປະເທດຈີນລາວ.
ພາຍຫຼັງໄດ້ກົດປຸ່ມແລ້ວ,ວິທະຍຸສາກົນແຫ່ງປະເທດຈີນ CRI FM93MHz ທີ່ວຽງຈັນທັງພາສາຈີນກາງ ລາວແລະອັງກິດໄດ້ດັງຂຶ້ນຢູ່ເທິງທ້ອງຟ້ານະຄອນຫຼວງວຽງຈັນ,ປະຊາຊົນນະຄອນຫຼວງວຽງຈັນໄດ້ຍິນຄຳເວົ້າອັນສະໜິດສະໜົມຂອງທ່ານຫູຈິນທາວ ປະທານປະເທດຈີນຢ່າງຊັດເຈນແລະແທ້ຈິງເປັນເທື່ອທຳອິດ.ທ່ານກ່າວວ່າ:
"ຈີນລາວແມ່ນປະເທດບ້ານໃກ້ເຮືອນຄຽງທີ່ມີພູຜາແມ່ນ້ຳຕິດຈອດກັນ,ປະຊາຊົນສອງຊາດມີມິດຕະພາບອັນມີມູນເຊື້ອອັນເລິກເຊິ່ງຍາວນານ. CRI FM93 MHz ທີ່ວຽງຈັນເລີ່ມອອກອາກາດຈະກ່າຍຂົວໃໝ່ເພື່ອເຊື່ອມຄວາມເຂົ້າໃຈກັນແລະມິດຕະພາບລະຫວ່າງປະຊາຊົນສອງຊາດ,ເຮັດໃຫ້ປະຊາຊົນສອງຊາດປະສານໃຈຕໍ່ໃຈ,ແລະມີມິດຕະພາບສືບທອດກັນຕໍ່ໄປທຸກເຊັ່ນຄົນ,ປະກອບສ່ວນຫຼາຍສົມຄວນຕໍ່ການພົວພັນຮ່ວມມືຮອບດ້ານທີ່ໝັ້ນຄົງຍາວນານເປັນປະເທດບ້ານໃກ້ເຮືອນຄຽງທີ່ດີຕໍ່ກັນແລະໄວ້ເນື້ອເຊື່ອໃຈເຊິ່ງກັນແລະກັນລະຫວ່າງສອງປະເທດຈີນລາວ."
ປະໂຫຍກສຸດທ້າຍ ແມ່ນທ່ານປະທານຫູຈິນທາວເວົ້າດ້ວຍພາສາລາວຄື:ມິດຕະພາບຈີນລາວໝັ້ນຍືນ,ຂອບໃຈ.
ຄຳເວົ້າອັນອົບອຸ່ນຂອງທ່ານຫູຈິນທາວໄດ້ດັງຂຶ້ນຢູ່ເທິງທ້ອງຟ້າໃນຕອນຄ່ຳທີ່ວຽງຈັນ, CRI FM93 MHz ແມ່ນແຫ່ງທີ 2 ທີ່ວິທະຍຸສາກົນແຫ່ງປະເທດຈີນສ້າງຕັ້ງຂຶ້ນຢູ່ຕ່າງປະເທດທີ່ຖັດຈາກຢູ່ໄນໂຣບີ ນະຄອນຫຼວງຂອງເຄັນຢາໃນຕົ້ນປີນີ. ໃນທຸກມື້ CRI FM93 MHz ຈະອອກອາກາດ12ຊົ່ວໂມງເຄິ່ງດ້ວຍພາສາລາວ ພາສາຈີນກາງແລະພາສາອັງກິດທີ່ກ່ຽວພັນເຖິງສະພາບການກໍ່ສ້າງເສດຖະກິດ ການພັດທະນາສັງຄົມແລະວັດທະນະທຳຈີນ,ການຮ່ວມມືແລກປ່ຽນແລະການໄປມາຫາສູ່ສັນຖະວະໄມຕີໃນຂົງເຂດເສດຖະກິດການຄ້າແລະວັດທະນະທຳລະຫວ່າງຈີນລາວ ແລະອື່ນໆ.
ຈີນລາວແມ່ນສອງປະເທດທີ່ມີພູຜາແມ່ນ້ຳຕິດຈອດກັນ,ໃນຖານະເປັນປະເທດບ້ານໃກ້ເຮືອນຄຽງທີ່ດີຕໍ່ກັນ,ສອງປະເທດໄດ້ໄຂທາງຂົນສົ່ງເທິງແມ່ນ້ຳລ້ານຊ້າງ-ແມ່ນ້ຳຂອງ,ທັງໄດ້ໄຂການຂົນສົ່ງທາງບົກຈາກວຽງຈັນຫາຄຸນມິງຢຸນນານຂອງຈີນ.ປະຈຸບັນ, CRI FM 93 MHz ທີ່ວຽງຈັນໄດ້ສ້າງຂົວທາງອາກາດ ໄດ້ເພີ່ມການຮັດແໜ້ນດວງໃຈຂອງປະຊາຊົນສອງຊາດອີກ.
ທ່ານສີຄຸນ ບຸນວິໄລ ແມ່ນຜູ່ຟັງປະຈຳຂອງວິທະຍຸ CRI ພາກພາສາລາວ,ເມື່ອໄດ້ຮູ້ຂ່າວວ່າ CRI FM 93 MHz ທີ່ວຽງຈັນໄດ້ອອກອາກາດແລ້ວ,ທ່ານສະແດງຄວາມອວຍພອນອັນຈິງໃຈແລະຄວາມຄອງຄອຍຕໍ່ລາຍການ.ທ່ານເວົ້າວ່າ:
ຖ້າເວົ້າວ່ານີ້ແມ່ນຂອງຂວັນສຳລັບປະຊາຊົນລາວ,ຂອງຂວັນນີ້ກໍແມ່ນໝາກຜົນແຫ່ງການຮ່ວມມືໄມຕີຈິດລະຫວ່າງຈີນກັບລາວ,ອັນເປັນສັນຍະລັກທີ່ສະແດງໃຫ້ເຫັນມິດຕະພາບອັນເປັນມູນເຊື້ອລະຫວ່າງປະຊາຊົນສອງຊາດຈີນລາວໄດ້ຂະຫຍາຍຕື່ມອີກໃນໄລຍະໃໝ່.ໃນການກໍ່ສ້າງວິທະຍຸCRI FM 93 Mhz , ພັກແລະລັດຖະບານທັງສອງປະເທດຈີນລາວລ້ວນແຕ່ໄດ້ໃຫ້ຄວາມເອົາໃຈໃສ່ໃນລະດັບສູງແລະການສະໜັບສະໜູນຢ່າງແຂງແຮງ.ມື້ນີ້,ຜູ່ນຳສູງສຸດຂອງສອງປະເທດໄດ້ກົດປຸ່ມໄຂCRI FM 93 Mhz ,ນີ້ຍິ່ງໄດ້ສະແດງໃຫ້ເຫັນວ່າ,ຜູ່ນຳສອງປະເທດໃຫ້ຄວາມສຳຄັນຕໍ່ການພົວພັນລະຫວ່າງສອງປະເທດແລະການແລກປ່ຽນວັດທະນະທຳລະຫວ່າງສອງປະເທດ.
ໂຄງການຮ່ວມມືດັ່ງກ່າວກໍໄດ້ຮັບຄວາມຕີລາຄາຢ່າງສູງຈາກວົງການຕ່າງໆໃນສັງຄົມຈີນລາວ.ທ່ານສີພາ ນົງລາດ ຫົວໜ້າວິທະຍຸກະຈາຍສຽງແຫ່ງຊາດລາວກ່າວວ່າ:
(ປ່ອຍສຽງ)
ຈີນມີສຸພາສິດວ່າ:"ຍາດຕິພີ່ນ້ອງທາງໄກບໍ່ສະໜິດທໍ່ຄົນຂ້າງເຮືອນ.ປະຊາຊົນສອງຊາດຈີນລາວໃນຖານະເປັນເພື່ອນບ້ານໃກ້ເຮືອນຄຽງທີ່ດີ,ເພື່ອນທີ່ດີແລະສະຫາຍທີ່ດີແລະຄູ່ຮ່ວມມືທີ່ດີ,ຈະຜ່ານຈາກຂົວທາງອາກາດຂອງວິທະຍຸສາກົນແຫ່ງປະເທດຈີນ,ເຮັດໃຫ້ດວງໃຈຫຍັບເຂົ້າໃກ້ກັນແລະຊຸກຍູ້ການຮ່ວມມືລະຫວ່າງປະເທດທັງສອງ.ທ່ານວາງເກິ່ງນຽນ ຫົວໜ້າວິທະຍຸສາກົນແຫ່ງປະເທດຈີນກ່າວວ່າ:
"ການສ້າງສຳເລັດແລະເລີ່ມອອກອາກາດຂອງCRI FM 93 Mhz ຈະມີບົດບາດສຳຄັນທີ່ສຸດຕໍ່ການເພີ່ມທະວີການແລກປ່ຽນດ້ານການເມືອງ,ເສດຖະກິດແລະວັດທະນະທຳ,ເພີ່ມທະວີຄວາມເຂົ້າໃຈກັນແລະມິດຕະພາບລະຫວ່າງສອງຊາດ,ຊຸກຍູ້ໃຫ້ສອງປະເທດຕ່າງຝ່າຍຕ່າງມີຜົນປະໂຫຍດແລະພັດທະນາພ້ອມກັນ.ຂ້າພະເຈົ້າເຊື່ອວ່າ,CRI FM 93 Mhz ຈະນັບມື້ນັບຈະເລີນຂຶ້ນ,ຍ່ອມຈະກາຍເປັນຄູ່ຮ່ວມມືທີ່ຊື່ສັດກວ່າໝູ່ແລະເພື່ອທີ່ສະໜິດສະໜົມກວ່າໝູ່ຂອງປະຊາຊົນລາວ."
|
