|
|
 |
| (GMT+08:00)
2006-11-20 16:08:52
|
 |
|
ທ່ານຫູຈິນທ່າວພົບປະກັບທ່ານບົວສອນ ບຸບຜາວັນ
cri
ຕາມຂ່າວCRI,ວັນທີ20ພະຈິກນີ້,ໃນເວລາພົບປະກັບທ່ານບົວສອນ ບຸບຜາວັນ ນາຍົກລັດຖະມົນຕີລາວຢູ່ວຽງຈັນ,ທ່ານຫູຈິນທ່າວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນກ່າວວ່າ,ການຮ່ວມມືດ້ວຍໄມຕີຈິດລະຫວ່າງສອງປະເທດໄດ້ນຳເອົາຜົນປະໂຫຍດຕົວຈິງໃຫ້ແກ່ປະຊາຊົນສອງຊາດ,ສອງປະເທດຈີນລາວເປັນປະເທດບ້ານໃກ້ເຮືອນຄຽງທີ່ດີ ເພື່ອນທີ່ດີ ສະຫາຍທີ່ດີແລະຄູ່ຮ່ວມມືທີ່ດີຢ່າງແທ້ຈິງ.
ກ່ຽວກັບການຮ່ວມມືດ້ານເສດຖະກິດການຄ້າລະຫວ່າງສອງປະເທດ,ທ່ານຫູຈິນທ່າວຊີ້ອອກວ່າ,ການຮ່ວມມືໃນດ້ານນີ້ມີກຳລັງບ່ອມຊ້ອນຢ່າງຫຼວງຫຼາຍ,ມີຊ່ອງທາງພັດທະນາອັນກວ້າງຂວາງ,ໜ້າທີ່ຕົ້ນຕໍໃນຂັ້ນຕໍ່ໄປແມ່ນການຂຸດຄົ້ນທ່າແຮງບົ່ມຊ້ອນດ້ານການຮ່ວມມືແລະຍົກລະດັບການຮ່ວມມືໃຫ້ສູງຂຶ້ນ.ເພື່ອເລື່ອງນີ້,ທ່ານຫູຈິນທ່າວສະເໜີວ່າ, ໜຶ່ງ,ເພີ່ມທະວີການຄ້າສອງຝ່າຍ,ຫວັງໃຫ້ຝ່າຍລາວນຳໃຊ້ສິດທີ່ບໍ່ຕ້ອງເສຍພາສີຂອງຜະລິດຕະພັນ330ຊະນິດທີ່ຝ່າຍຈີນສະໜອງໃຫ້ນັ້ນຢ່າງເຕັມສ່ວນ,ພັດທະນາຜະລິດຕະພັນທີ່ສອດຄ່ອງກັບຄວາມຕ້ອງການຂອງຕະຫຼາດ,ເພີ່ມການສົ່ງອອກສິນຄ້າຕໍ່ຈີນ.ສອງແມ່ນເຮັດໃຫ້ການຮ່ວມມືທີ່ຕ່າງຝ່າຍຕ່າງມີຜົນປະໂຫຍດຂະຫຍາຍລົງສູ່ລວງເລິກ,ລັດຖະບານຈີນສົ່ງເສີມໃຫ້ວິສາຫະກິດຈີນທີ່ມີກຳລັງຕົວຈິງຫຼາຍກວ່າເກົ່າໄປດຳເນີນການຮ່ວມມືຢູ່ລາວ,ລັດຖະບານສອງປະເທດຈະອຳນວຍຄວາມສະດວກທີ່ຈຳເປັນເພື່ອເລື່ອງນີ້.ສາມ,ນຳໃຊ້ການຊ່ອຍເຫຼືອຂອງຈີນເປັນຢ່າງດີ.ສີ່,ເພີ່ມທະວີການຮ່ວມມືດ້ານ ເສດຖະກິດການຄ້າຢູ່ເຂດຊາຍແດນ,ຊຸກຍູ້ການພັດທະນາດ້ານເສດຖະກິດແລະຄວາມໝັ້ນຄົງດ້ານສັງຄົມຂອງເຂດຊາຍແດນຂອງສອງປະເທດ.
ທ່ານບົວສອນກ່າວວ່າ,ການລົງທຶນຂອງຈີນຢູ່ລາວມີຜົນດີຕໍ່ການເສີມຂະຫຍາຍທ່າແຮງດ້ານເສດຖະກິດຂອງລາວແລະແກ້ໄຂຄວາມທຸກຍາກຂອງປະຊາຊົນ,ການຮ່ວມມືໃນໂຄງການໃຫຍ່ລະຫວ່າງສອງຝ່າຍມີຜົນດີຕໍ່ການເພີ່ມທະວີພື້ນຖານເສດຖະກິດຂອງລາວ.ການຢ້ຽມຢາມຂອງທ່ານຫູຈິນທ່າວຈະເຮັດໃຫ້ການພົວພັນຮ່ວມມືດ້ວຍໄມຕີຈິດທີ່ມີຢູ່ແລ້ວນັ້ນກ້າວສູ່ລະດັບໃໝ່.
|
|
|
