|
|
 |
| (GMT+08:00)
2006-11-22 15:40:40
|
 |
|
ສື່ມວນຊົນສຳຄັນຂອງລາວໃຫ້ຄວາມສຳຄັນຕໍ່ທ່ານຫູຈີນທາວເຂົ້າຮ່ວມພິທີໄຂວິທະຍຸ CRI FM ຢູ່ນະຄອນຫຼວງວຽງຈັນ
cri
ຕາມຂ່າວ CRI: ວັນທີ 21 ພະຈິກນີ້, ສື່ມວນຊົນສຳຄັນຂອງລາວພາກັນແຈ້ງຂ່າວກ່ຽວກັບທ່ານຫູຈີນທາວ ປະທານປະເທດຈີນເຂົ້າຮ່ວມພິທີໄຂວິທະຍຸ CRI FM ຢູ່ນະຄອນຫຼວງວຽງຈັນໃນວັນທີ 19 ພະຈິກໃນໄລຍະຢ້ຽມຢາມລາວ.
ໜັງສືພິມ "ວຽງຈັນໃໝ່" ໄດ້ພິມຮູບສີທີ່ທ່ານປະທານຫູຈີນທາວເຂົ້າຮ່ວມພິທີໄຂວິທະຍຸ CRI FM ຢູ່ນະຄອນຫຼວງວຽງຈັນໃສ່ບ່ອນເດັ່ນທີ່ໜ້າໜຶ່ງ, ແລະໄດ້ພິມບົດນຳຕີລາຄາວ່າ, ວິທະຍຸ FM ທີ່ວຽງຈັນຈະແນະນຳຂ່າວຈາກຈີນແລະແຫ່ງຕ່າງໆໃນໂລກໃຫ້ຜູ້ຟັງວຽງຈັນ, ແນ່ນອນຈະກາຍເປັນຊ່ອງທາງໃໝ່ສຳລັບສອງປະເທດລາວຈີນແລກປ່ຽນບົດຮຽນພັດທະນາເສດຖະກິດແລະສັງຄົມ, ການໄຂວິທະຍຸ FM ຈະເຮັດໃຫ້ການພົວພັນທີ່ມີໄມຕີຈິດລະຫວ່າງສອງປະເທດຍິ່ງແໜ້ນແຟ້ນກວ່າເກົ່າ.
ໜັງສືພິມ "ວຽງຈັນໄທມ໌" ເຊິ່ງແມ່ນໜັງສືພິມພາສາອັງກິດທີ່ສຳຄັນແລະເປັນທາງການຂອງລາວກໍ່ໄດ້ພິມຮູບສີແຜ່ນໃຫຍ່ທີ່ທ່ານປະທານຫູຈີນທາວເຂົ້າຮ່ວມພິທີໄຂວິທະຍຸ CRI FM ທີ່ວຽງຈັນໃສ່ບ່ອນເດັ່ນໜ້າທີໜຶ່ງ, ແລະໄດ້ຂຽນຄຳບັນລະຍາຍຮູບວ່າ: ວິທະຍຸ FM ແຫ່ງນີ້ຈະເພີ່ມທະວີຄວາມເຂົ້າໃຈກັນລະຫວ່າງປະຊາຊົນສອງປະເທດ, ເຮັດໃຫ້ປະຊາຊົນສອງປະເທດໃກ້ຊິດກັນກວ່າເກົ່າ.
|
|
|
