|
|
 |
| (GMT+08:00)
2006-11-23 17:55:18
|
 |
|
ຜູ່ຊ່ຽວຊານກ່າວວ່າການສົນທະນາດ້ານສິດທິມະນຸດມີຜົນດີຕໍ່ການບັນລຸເຈດຈຳນົງຂອງຈີນກ່ຽວກັບການສ້າງໂລກທີ່ກົມກຽວກັນ
cri
ຕາມຂ່າວສານຊິນຮວາ,ວັນທີ22ພະຈິກນີ້,ທ່ານລີຢຸນລົງ ຮອງຫົວໜ້າຫ້ອງຄົ້ນຄວ້າການພົວພັນລະຫວ່າງຊາດຂອງໂຮງຮຽນພັກຂອງສູນກາງພັກກອມມູນິດຈີນກ່າວວ່າ,ການສົນທະນາດ້ານສິດທິມະນຸດມີຜົນດີຕໍ່ການເຮັດໃຫ້ເຈດຈຳນົງສ້າງໂລກທີ່ກົມກຽວກັນທີ່ຈີນສະເໜີອອກມານັ້ນບັນລຸຜົນເປັນຈິງ.
ທ່ານລີຢຸນລົງແມ່ນໃຫ້ທັດສະນະດັ່ງກ່າວໃນກອງປະຊຸມສຳມະນາສິດທິມະນຸດສາກົນໃຕ້ຫົວຂໍ້ວ່າ "ເຄົາລົບແລະຊຸກຍູ້ສິດທິມະນຸດກັບການສ້າງໂລກທີ່ກົມກຽວກັນ"ທີ່ຈັດຂຶ້ນຢູ່ປັກກິ່ງ.
ທ່ານລີຢຸນລົງກ່າວວ່າ,ການກໍ່ສ້າງແລະຮັກສາ ໂລກໃຫ້ກົມກຽວກັນ,ກ່ອນອື່ນຕ້ອງອາໄສການຮ່ວມມືຢ່າງບັງເກີດຜົນລະຫວ່າງປະເທດຕ່າງໆ. ການຮ່ວມມືດ້ານສິດທິມະນຸດລະຫວ່າງຊາດແມ່ນວິຖີທາງອັນບັງເກີດຜົນເພື່ອແກ້ໄຂຄວາມເປັນປໍລະປັກກັນລະຫວ່າງປະເທດກັບປະເທດແລະລະຫວ່າງວັດທະນະທຳທີ່ຕ່າງກັນ.ການຮ່ວມມືແນວນີ້ສາມາດເພີ່ມຄວາມເຂົ້າໃຈກັນລະຫວ່າງປະເທດຕ່າງໆ,ຊ່ອຍໃຫ້ທັດສະນະຄະຕິສະມາຄົມຊາຕາກຳມະນຸດຈໍ່ຕົວຂຶ້ນ,ຊຸກຍູ້ໃຫ້ຄ່ານິຍົມຮ່ວມຂອງມະນຸດກຳເນີດເກີດຂຶ້ນ.
|
|
|
