|
|
 |
| (GMT+08:00)
2006-11-23 19:05:24
|
 |
|
ຈີນກັບມຽນມາເຊັນເອກະສານຮ່ວມມືດ້ານເສດຖະກິດການຄ້າຫຼາຍສະບັບ
cri
Author: cai
ຕາມຂ່າວສານຊີນຮວາ:ວັນທີ 23 ພະຈິກ,ຢູ່ຢາງກຸງ ນະຄອນຫຼວງມຽນມາ,ຜູ້ຕາງໜ້າລັດຖະບານຈີນກັບມຽນມາໄດ້ເຊັນເອກະສານຮ່ວມມືດ້ານເສດຖະກິດການຄ້າຫຼາຍສະບັບ,ເພື່ອຊຸກຍູ້ການພົວພັນຮ່ວມມືດ້ານເສດຖະກິດການຄ້າທີ່ຕ່າງຝ່າຍຕ່າງມີຜົນປະໂຫຍດລະຫວ່າງສອງປະເທດໃຫ້ຂະຫຍາຍໄປໜ້າຢ່າງບໍ່ຢຸດຢັ້ງ.
ເອກະສານມີດັ່ງນີ້:"ຂໍ້ຄວາມສຳຄັນການຫາລືກັນຮອບສອງລະຫວ່າງລັດຖະບານສາທາລະນະລັດປະຊາຊົນຈີນກັບລັດຖະບານສະຫະພາບມຽນມາກ່ຽວກັບການຮ່ວມມືດ້ານການຄ້າ ປ່າໄມ້ແລະບໍ່ແຮ່""ອະນຸສັນຍາກ່ຽວກັບລັດຖະບານສາທາລະນະລັດປະຊາຊົນຈີນຍົກເລີກໜີ້ສິນສ່ວນໜຶ່ງຂອງລັດຖະບານສະຫະພາບມຽນມາ""ສັນຍາຮ່ວມມືດ້ານເສດຖະກິດເຕັກນິກລະຫວ່າງຈີນມຽນມາ"ແລະ"ສັນຍາຂອບກ່ຽວກັບຈີນໃຫ້ເງິນກູ້ດອກເບັ້ຍຕ່ຳແກ່ມຽນມາ".
ທ່ານເຊີນຈ້ຽນ ຜູ້ຊ່ວຍລັດຖະມົນຕີວ່າການກະຊວງການຄ້າຈີນທີ່ໄດ້ເຂົ້າຮ່ວມພິທີລົງນາມກ່າວວ່າ,ໃນຂະນະທີ່ຈີນກັບມຽນມາຂະຫຍາຍການພົວພັນດ້ານເສດຖະກິດການຄ້າທີ່ມີມູນເຊື້ອນັ້ນ,ຄວນອອກແຮງຂະຫຍາຍການຮ່ວມມືດ້ານເສດຖະກິດການຄ້າທີ່ຕ່າງຝ່າຍຕ່າງມີຜົນປະໂຫຍດແລະຮອບດ້ານເຊິ່ງລວມທັງການລົງທຶນ ການຮັບເໝົາກໍ່ສ້າງໂຄງການ ການຮ່ວມມືເສດຖະກິດແລະເຕັກນິກ ການທ່ອງທ່ຽວແລະຂົງເຂດອື່ນໆ.ທ່ານອູຄຽວດູ ລັດຖະມົນຕີຊ່ອຍວ່າການກະຊວງການຕ່າງປະເທດມຽນມາເວົ້າວ່າ,ຍິນດີຕ້ອນຮັບວິສາຫະກິດຈີນມາດຳເນີນການຮ່ວມມືຕ່າງຝ່າຍຕ່າງມີຜົນປະໂຫຍດໃນຂົງເຂດປ່າໄມ້ແລະບໍ່ແຮ່ເປັນຕົ້ນຢູ່ມຽນມາ.
|
|
|
