|
|
 |
| (GMT+08:00)
2006-11-24 20:57:51
|
 |
|
ໄທປະກາດ5ຈັງຫວັດຢູ່ພາກໃຕ້ເປັນເຂດພັດທະນາພິເສດ
cri
ຕາມຂ່າວCRI,ວັນທີ24ພະຈິກນີ້,ຂ່າວສານໄທລາຍງານວ່າ: ກອງປະຊຸມຄັ້ງວິສາມັນຂອງຄະນະລັດຖະບານໄທທີ່ຈັດຂຶ້ນໃນຕອນຄ່ຳວັນທີ23ພະຈິກນີ້ໄດ້ຕົກລົງເອົາ5ຈັງຫວັດຢູ່ພາກໃຕ້ເປັນເຂດພັດທະນາພິເສດ.
ຕາມຂ່າວແຈ້ງວ່າ,ພາຍຫຼັງກອງປະຊຸມສິ້ນສຸດລົງແລ້ວ,ພົນເອກສຸລະຍຸດ ຈຸລານົນ ນາຍົກລັດຖະມົນຕີໄທໄດ້ເປີດເຜີຍຕໍ່ນັກຂ່າວວ່າ:ກອງປະຊຸມຄັ້ງວິສາມັນຂອງຄະນະລັດຖະບານຄັ້ງນີ້ໄດ້ຫາລືການແກ້ໄຂບັນຫາກຳລັງຮຸນແຮງຢູ່ພາກໃຕ້ຂອງໄທ,ຕົກລົງເອົາ5ຈັງຫວັດຢູ່ພາກໃຕ້ຄືຈັງຫວັດສົງຂຼາ ຈັງຫວັດຍະລາ ຈັງຫວັດປັດຕະນີຈັງຫວັດນະລາທິວາດແລະຈັງຫວັດສະຕູນເປັນເຂດພັດທະນາພິເສດ.ສະນັ້ນ,ໄທຈະສ້າງຕັ້ງອົງການທີ່ກ່ຽວຂ້ອງແລະໃຊ້ນະໂຍບາຍພິເສດຕ່າງໆເຊັ່ນຫຼຸດສ່ວຍສາອາກອນເປັນຕົ້ນ,ເພື່ອຊຸກຍູ້ການພັດທະນາດ້ານການທະນາຄານ,ການຄ້າ ອຸດສາຫະກຳ ຄົມມະນາຄົມແລະການປະກອບອາຊີບຂອງຈັງຫວັດເຫຼົ່ານີ້.
ຊຸ່ມປີມໍ່ໆມານີ້,ເຂດພາກໃຕ້ຂອງໄທ,ໂດຍສະເພາະແມ່ນຈັງຫວັດຍະລາ ຈັງຫວັດປັດຕະນີ ຈັງຫວັດນະລາທິວາດໄດ້ເກີດເຫດການກຳລັງຮຸນແຮງເລື້ອຍໆ.ນັບມາຮອດປັດຈຸບັນໄດ້ເຮັດໃຫ້1700ກວ່າຄົນເສຍຊີວິດ.ລັດຖະບານໄທຊຸດປັດຈຸບັນໄດ້ຈັດເອົາການແກ້ໄຂບັນຫາກຳລັງຮຸນແຮງຢູ່ພາກໃຕ້ຂອງໄທແລະການແກ້ໄຂວິກິດການການເມືອງເປັນສອງວຽງງານຈຸດໜັກ.
|
|
|
