|
|
 |
| (GMT+08:00)
2006-11-27 21:52:38
|
 |
|
ຕຳຫຼວດປາເລັສຕິນໝື່ນກວ່າຄົນເຂົ້າຮັກສາການຢຸດຍິງ
cri
ຕາມຂ່າວCRI, ເລີ່ມແຕ່ວັນທີ26ພະຈິກນີ້ເປັນຕົ້ນໄປ,ປາເລັສຕິນໄດ້ຈັດວາງສະມາຊິກກອງປ້ອງກັນຄວາມປອດໄພ1ໝື່ນ3ພັນຄົນຢູ່ບໍລິເວນກາຊາທີ່ຢູ່ໃກ້ກັບເຂດຊາຍແດນອິສຣາແອນ,ເພື່ອຮັກສາສັນຍາຢຸດຍິງທີ່ປາເລັສຕິນອິສຣາແອນຫາກໍ່ເຊັນກັນ.
ມື້ດຽວກັນ,ທ່ານເອຮຸດ ໂອນເມີດ ນາຍົກລັດຖະມົນຕີອິສຣາແອນກ່າວວ່າ,ປາເລັສຕິນອິສຣາແອນບັນລຸການຢຸດຍິງຢູ່ກາຊາຈະຊຸກຍູ້ການ ເຈລະຈາສັນຕິພາບລະຫວ່າງສອງຝ່າຍຈັດຂຶ້ນຄືນໃໝ່.
ວັນທີ26ພະຈິກນີ້,ສັນນິບາດອາລັບໄດ້ອອກຖະແຫຼງການ, ຊົມເຊີຍສັນຍາຢຸດຍິງທີ່ກຸ່ມປະກອບອາວຸດຕ່າງໆຂອງປາເລັສຕິນກັບອິສຣາແອນໄດ້ຕົກລົງກັນໃນຕອນຄ່ຳວັນທີ25ພະຈິກນີ້.ສັນນິບາດ ອາລັບຍັງໄດ້ຮຽກຮ້ອງໃຫ້ສະພາຄວາມໝັ້ນຄົງສະຫະປະຊາຊາດແລະສີ່ຝ່າຍທີ່ກ່ຽວກັບບັນຫາຕາເວັນອອກກາງຄືສະຫະປະຊາຊາດ ອາເມລິກາ ຣັດເຊຍແລະສະຫະພາບເອີລົບສົ່ງຜູ່ສັງເກດການສາກົນໄປດິນແດນປາເລັສຕິນທີ່ຖືກຍຶດຄອງເພື່ອຕິດຕາມກວດກາການປະຕິບັດສັນຍາຢຸດຍິງ.
|
|
|
