|
ນັກປາດຈີນຊີ້ອອກວ່າ,ການພົວພັນຈີນຍີ່ປຸ່ນສ.ເກົາຫຼີມີການພົວພັນອັນແໜ້ນແຟ້ນກັບການຮ່ວມມືຂອງອາຊີຕາເວັນອອກ
cri
Author: shuo
ຕາມຂ່າວສານຊິນຮວາ:ວັນທີ27ພະຈິກນີ້,ໃນກອງປະຊຸມເວທີປາໄສການຮ່ວມມືອາຊີຕາເວັນອອກ2006ທີ່ຈັດຂຶ້ນຢູ່ທີ່ປັກກິ່ງ,ນັກປາດແລະຜູ້ຊ່ຽວຊານທີ່ກ່ຽວຂ້ອງຂອງຈີນກ່າວວ່າ,ສະພາບການພັດທະນາຂອງການພົວພັນຈີນຍີ່ປຸ່ນສ.ເກົາຫຼີນັບມື້ນັບກາຍເປັນປັດໄຈສຳຄັນທີ່ມີຜົນສະທ້ອນຕໍ່ການຮ່ວມມືຂອງອາຊີຕາເວັນອອກ.
ນັກປາດເຫຼົ່ານີ້ຊີ້ອອກວ່າ,ການພົວພັນຈີນຍີ່ປຸ່ນສ.ເກົາຫຼີມີການພົວພັນອັນແໜ້ນແຟ້ນກັບການຮ່ວມມືຂອງອາຊີຕາເວັນອອກ.ໂດຍສະເພາະແຕ່ຜູ້ນຳສູງສຸດຂອງອາຊຽນກັບຈີນຍີ່ປຸ່ນສ.ເກົາຫຼີຈັດກອງປະຊຸມສຸດຍອດ10+3ຄັ້ງທຳອິດຢູ່ມາເລເຊຍໃນເດືອນທັນວາປີ1997ເປັນຕົ້ນມາ,ຈີນຍີ່ປຸ່ນສ.ເກົາຫຼີໄດ້ເຂົ້າຮ່ວມກອງປະຊຸມສຸດຍອດ10+3ທຸກປີຢ່າງຫ້າວຫັນ,ແລະໄດ້ບັນລຸຄວາມຮັບຮູ້ຄືກັນກ່ຽວກັບການພ້ອມກັນຊຸກຍູ້ການຮ່ວມມືດ້ານເສດຖະກິດຂອງອາຊີຕາເວັນອອກ.ຫຼັງຈາກນັ້ນ,ການຮ່ວມມືລະຫວ່າງຈີນຍີ່ປຸ່ນສ.ເກົາຫຼີໄດ້ມີການຂະຫຍາຍຕົວຢ່າງຕັ້ງໜ້າໃນຂອບ"10+3".
ຂະນະດຽວກັນນີ້,ຜູ້ຊ່ຽວຊານຊີ້ອອກວ່າ,ປະຈຸບັນນີ້,ຈີນຍີ່ປຸ່ນສ.ເກົາຫຼີຄວນຈັບໂອກາດ,ເລັ່ງລັດຊຸກຍູ້ການຮ່ວມມືເຊິ່ງກັນແລະກັນແລະການຮ່ວມມືຂອງທົ່ວອາຊີຕາເວັນອອກ.
|
|
