|
|
 |
| (GMT+08:00)
2006-11-28 21:01:42
|
 |
|
ທ່ານຫູຈິນທາວໂທລະສັບລົມກັບທ່ານບຸສ
cri
ຕາມຂ່າວສານຊິນຮວາ, ຕອນຄ່ຳວັນທີ27ພະຈິກນີ້,ທ່ານຫູຈິນທາວ ປະທານປະເທດຈີນໄດ້ໂທລະສັບລົມກັບທ່ານບຸສ ປະທານາທິບໍດີອາເມລິກາຕາມການສະເໜີ.ສອງຝ່າຍໄດ້ແລກປ່ຽນຄວາມເຫັນກ່ຽວກັບການພົວພັນຈີນອາເມລິກາແລະບັນຫາທີ່ສົນໃຈນຳກັນ.
ທ່ານຫູຈິນທາວກ່າວວ່າ,ທ່ານກັບທ່ານປະທານາທິບໍດີບຸສໄດ້ຈັດການພົບປະເຈລະຈາກັນອັນສຳຄັນໃນໄລຍະເຂົ້າຮ່ວມກອງປະຊຸມບໍ່ເປັນທາງການຂອງອົງການຮ່ວມມືເສດຖະກິດອາຊີປາຊີຟິກຄັ້ງທີ14ທີ່ຈັດຂຶ້ນຢູ່ຮ່າໂນຍຂອງຫວຽດນາມ,ແລະໄດ້ມີຄວາມຮັບຮູ້ຄືກັນຢ່າງຫຼວງຫຼາຍ.ຝ່າຍຈີນຍິນດີພ້ອມກັນກັບຝ່າຍອາເມລິກາພະຍາຍາມຜັນຂະຫຍາຍຄວາມຮັບຮູ້ຄືກັນເຫຼົ່ານີ້,ຊຸກຍູ້ການພົວພັນຮ່ວມມືທີ່ມີລັກສະນະສ້າງສັນລະຫວ່າງຈີນອາເມລິກາໃຫ້ສືບຕໍ່ຂະຫຍາຍຕົວຢ່າງໝັ້ນທ່ຽງແລະປອດໃສ.ທ່ານບຸສກ່າວວ່າ,ຢູ່ທີ່ຮ່າໂນຍ ສອງຝ່າຍໄດ້ຫາລືບັນຫາທີ່ກ່ຽວຂ້ອງຢ່າງຈິງໃຈແລະມີຜົນປະໂຫຍດ.
ກ່ຽວກັບບັນຫາດາຟູຂອງຊູດັງ,ທ່ານບຸສໄດ້ແນະນຳຫຼັກໝັ້ນຂອງອາເມລິກາ.ທ່ານຫູຈິນທາວກ່າວວ່າ,ການແກ້ໄຂບັນຫາດາຟູໄດ້ມີຄວາມຄືບໜ້າອັນຕັ້ງໜ້າ,ຫວັງໃຫ້ບັນດາຝ່າຍທີ່ກ່ຽວຂ້ອງຮັກສາທ່ວງທ່າທີ່ເຈລະຈາກັນເພື່ອກ້າວເຖິງຂັ້ນມີຄວາມເຫັນເປັນເອກະສັນກັນກ່ຽວກັບແຜນການແກ້ໄຂໂດຍໄວ,ໃຫ້ເຂດດາຟູບັນລຸສັນຕິພາບແລະສະຖຽນລະພາບ.
|
|
|
