ຕາມ​ຂ່າວCRI,ສະພາ​ເຄື່ອງໝາຍ​ທີ່​ມີ​ຊື່​ສຽງ​ຂອງ​ໂລກ​ແລະ​ກອງ​ປະ​ຊຸມ​ເຄື່ອງ​ໝາຍ​ຂອງ​ໂລກ​ຄັ້ງ​ທີ​3​ໄດ້​ຈັດ​ຂຶ້ນ​ຢູ່​ບາງກອກ ນະຄອນຫຼວງ​ໄທ​ໃນ​ວັນ​ທີ​28​ພະ​ຈິກ​ນີ້.​ນັກ​ທຸ​ລະ​ກິດ​ທີ່​ມີ​ຊື່​ສຽງ​100​ກວ່າ​ຄົນ​ຂອງ​ປະ​ເທດ​ຕ່າງໆ​ໃນ​ໂລກ​ໄດ້​ເຂົ້າ​ຮ່ວມ​ກອງ​ປະ​ຊຸມ​ດັ່ງ​ກ່າວ.

ຫົວ​ຂໍ້​ຂອງ​ກອງ​ປະຊຸມ​ແມ່ນ​ຊຸກ​ຍູ້​​ເຄື່ອງໝາຍ​ເປັນ​ເຈົ້າ​ຕົນ​ເອງ​ເຕີບ​ໂຕ​ຢ່າງ​ວ່ອງ​ໄວ,​ຊຸກ​ຍູ້​​ເສດ​ຖະ​ກິດ​ພາກ​ພື້ນ​ໃຫ້​ພັດ​ທະ​ນາ​ຢ່າງ​ກົມ​ກຽວ​ກັນ.​ຈຸດ​ປະ​ສົງ​ແມ່ນ​ເພື່ອ​ໃຫ້​ວິ​ສາ​ຫະ​ກິດ​ເຄື່ອງ​ໝາຍ​ທີ່​ມີ​ຊື່​ສຽງ​ຂອງ​ໂລກ​ລົງ​ທຶນ​ຢູ່​ອາ​ຊີ,​ໃຫ້​ວິ​ສາ​ຫະ​ກິດ​ເຄື່ອງ​ໝາຍ​ທີ່​ມີ​ຊື່​ສຽງ​ຂອງ​ອາ​ຊີ​ກ້າວ​ໄປ​ສູ່​ໂລກ.

ວັນ​ທີ28​ພະຈິກ​ນີ້,ທ່ານ​ໂຈ່​ວຈ່ຽງຊານ​ຈຸ່ນ ປະທານ​ກອງ​ປະຊຸມ​ກ່າວ​ວ່າ,​ກອງ​ປະ​ຊຸມ​ເທື່ອ​ນີ້​ບໍ່​ພຽງ​ແຕ່​​ແມ່ນ​ເວທີ​ໂຄ​ສະ​ນາ​ແລະ​ການ​ຮ່ວມ​ມື​ລະຫວ່າງ​ເຄື່ອງ​ໝາຍ​ທີ່​ມີ​ຊື່​ສຽງ​ຂອງ​ໂລກ​ເທົ່າ​ນັ້ນ,​ແລະ​ກໍ​ແມ່ນ​ເຄື່ອງ​ຊຸກຍູ້​ໃຫ້​ເຄື່ອງໝາຍ​ທີ່​ມີ​ຊື່​ສຽງ​ຂອງ​ພາກ​ພື້ນ​ເຕີບ​ໂຕ​ເປັນ​ ລະດັບ​ໂລກ.​ເຊື່ອ​ວ່າ,ຜ່ານ​ຈາກ​ການ​ເຂົ້າ​ຮ່ວມ​ຢ່າງ​ຕັ້ງໜ້າ​ແລະ​ການ​ພະ​ຍາ​ຍາມ​ຮ່ວມ​ກັນ​ຂອງ​ຜູ່​ແທນ​ທີ່​ຮ່ວມ​ປະຊຸມ,​ເຄື່ອງໝາຍ​ທີ່​ສ້າງ​ຂຶ້ນ​ໂດຍເປັນ​ເຈົ້າ​ຕົນ​ເອງ​ບໍ່​ພຽງ​ແຕ່​ຈະ​ສາມ​າດ​ກ້າວໄປ​ສູ່​ໂລກ​ໄດ້,ຫາກ​ຍັງ​ຈະ​ສ້າງ​ຜົນ​ສະທ້ອນ​ອັນ​ຕັ້ງໜ້າ​ໃຫ້​ແກ່​ການ​ພັດທະນາ​ຂອງ​ທົ່ວ​ໂລກ.