|
|
 |
| (GMT+08:00)
2006-11-30 19:12:11
|
 |
|
ປະທານາທິບໍດີອາຟະລິກາໃຕ້ສົ່ງຈົດໝາຍເຖິງທ່ານປະທານຮູຈິນທ່າວເພື່ອອວຍພອນກິດຈະກຳ"ສຳຜັດກັບຈີນຢູ່ອາຟະລິກາໃຕ້"ສຳເລັດຜົນ
cri
Author: shuo
ຕາມຂ່າວສານຊິນຮວາ:"ສຳຜັດກັບຈີນຢູ່ອາຟະລິກາໃຕ້"ແມ່ນຄຳຂວັນຂອງກິດຈະກຳແລກປ່ຽນວັດທະນະທຳຂະໜາດໃຫຍ່ທີ່ໄດ້ຈັດຂຶ້ນຢູ່ອາຟະລິກາໃຕ້ແຕ່ວັນທີ1ຮອດວັນທີ30ພະຈິກນີ້.ໃນໄລຍະຈັດການເຄື່ອນໄຫວ,ທ່ານຕາໂບ ມູເບກີ ປະທານາທິບໍດີອາຟະລິກາໃຕ້ສົ່ງຈົດໝາຍໄປເຖິງທ່ານປະທານຮູຈິນທ່າວ,ສະແດງຄວາມຍິນດີຕ້ອນຮັບຢ່າງອົບອຸ່ນຕໍ່ກິດຈະກຳເທື່ອນີ້,ແລະຕາງໜ້າປະຊາຊົນອາຟະລິກາໃຕ້ທຸກຖ້ວນໜ້າຂໍອວຍ ພອນໃຫ້ກິດຈະກຳຈົ່ງປະສົບຜົນສຳເລັດ.
ໃນຈົດໝາຍ,ປະທານາທິບໍດີມູເບກີຂຽນວ່າ,ກິດຈະກຳວັດທະນະທຳ "ສຳຜັດກັບຈີນຢູ່ອາຟະລິກາໃຕ້"ໄດ້ສະໜອງໂອກາດທີ່ດີໃຫ້ອາຟະລິກາໃຕ້ເພີ່ມທະວີການພົວພັນອັນດີງາມກັບຈີນຕື່ມອີກ.ອາຟະລິກາໃຕ້ກັບຈີນມີປະຫວັດສາດຕໍ່ສູ້ທີ່ຄ້າຍຄືກັນ,ໃນຫຼາຍປີມານີ້, ສອງປະເທດໄດ້ສ້າງການພົວພັນເສດຖະກິດແລະການເມືອງທີ່ໜັກແໜ້ນກວ່າເກົ່າ.ການພົວພັນອັນແໜ້ນແຟ້ນລະຫວ່າງຈີນອາຟະລິກາໃຕ້ເຮັດໃຫ້ພວກເຮົາຮ່ວມມືກັນໃນຫຼາຍ ບັນຫາທີ່ສົນໃຈນຳກັນ ຄື ການຫຼຸດຜ່ອນຄວາມທຸກຍາກ ການຄ້າທີ່ຍຸດຕິທຳແລະການສະແຫວງຫາຊີວິດການເປັນຢູ່ອັນດີງາມກວ່າເກົ່າໃຫ້ປະຊາຊົນ.
ກິດຈະກຳແລກປ່ຽນວັດທະນະທຳເທື່ອນີ້ຈັດເປັນເວລາໜຶ່ງເດືອນ,ໄດ້ດຶງດູດຜູ້ຊົມອາຟະລິກາໃຕ້ຢ່າງຫຼວງຫຼາຍ,ແລະໄດ້ຮັບຄວາມຍ້ອງຍໍສັນລະເສີນຢ່າງກວ້າງຂວາງ.
|
|
|
