|
ໂຄງການຮ່ວມມືສາກົນໄດ້ຊຸກຍູ້ວຽກງານປ້ອງກັນແລະປິ່ນປົວພະຍາດເອດຂອງແຂວງຢຸນນານ
cri
Author: shuo
ຕາມຂ່າວສານຊິນຮວາ:ຫວ່າງມໍ່ໆນີ້,ຫ້ອງການປ້ອງກັນແລະປິ່ນປົວພະຍາດເອດຂອງແຂວງຢຸນນານຈີນກ່າວວ່າ,ການປະຕິບັດຫຼາຍໂຄງການຮ່ວມມືປ້ອງກັນແລະປິ່ນປົວພະຍາດເອດສາກົນຢູ່ຢຸນນານ,ໄດ້ຊຸກຍູ້ວຽກງານປ້ອງກັນແລະປິ່ນປົວພະຍາດເອດຂອງຢຸນນານ.
ຕາມສະຖິຕິເບື້ອງຕົ້ນ,ປະຈຸບັນນີ້,ນັບລວມແລ້ວ,ໂຄງການຮ່ວມມືປ້ອງກັນແລະປິ່ນ ປົວພະຍາດເອດສາກົນໄດ້ລົງທຶນຫຼາຍກວ່າ150ລ້ານຢວນຢູ່ຈີນ,ສຶກສາອົບຮົມພະນັກງານປະເພດຕ່າງໆ4ໝື່ນກວ່າເທື່ອຄົນ,ໄດ້ດຶງດູດເຕັກນິກໃໝ່ຫຼາຍຢ່າງ ເຊັ່ນ ການປະເມີນຄວາມຕ້ອງການຂອງສຸກຂະພາບທາງເພດແລະການຕິດຕາມກວດ ກາການມີເພດສຳພັນເປັນຕົ້ນ.
ຕາມການສະເໜີ,ໃນປີ1990,ອົງການອະນາໄມໂລກໄດ້ຊ່ອຍເຫຼືອຢຸນນານສ້າງຕັ້ງລະບົບຕິດຕາມກວດກາພະຍາດເອດຢູ່ຢຸນນານໃນເບື້ອງຕົ້ນ,ນີ້ແມ່ນການຮ່ວມມືກັບສາກົນຄັ້ງທຳອິດຂອງຢຸນນານໃນຂົງເຂດປ້ອງກັນແລະປິ່ນປົວພະຍາດເອດ.ຫຼັງຈາກນັ້ນ,ອົງການຕ່າງໆ ຄື ກອງທຶນເດັກນ້ອຍສະຫະປະຊາຊາດໄດ້ຮ່ວມມືກັບແຂວງຢຸນນານໃນການປ້ອງກັນແລະປິ່ນປົວພະຍາດເອດຢ່າງເປັນລຳດັບ.
|
|
