|
ຈີນຈະສືບຕໍ່ເລັ່ງລັດການພັດທະນາເສດຖະກິດຊົນນະບົດ ຮັບປະກັນການກໍ່ສ້າງຊົນນະບົດໃໝ່ໃຫ້ໄດ້ຮັບຄວາມຄືບໜ້າໃໝ່
cri
ຕາມຂ່າວສານຊິນຮວາ,ວັນທີ29ພະຈິກນີ້,ທ່ານເວິ່ນເຈ່ຍປາວ ນາຍົກລັດຖະມົນຕີຈີນໄດ້ເປັນປະທານຈັດກອງປະຊຸມຂອງຄະນະລັດຖະບານ,ຮັບຟັງການລາຍງານວຽກງານກະສິກຳແລະຊົນນະບົດ.ກອງປະຊຸມສະເໜີອອກມາວ່າ,ປີໜ້າ,ຈີນຈະສືບຕໍ່ເລັ່ງລັດການພັດທະນາເສດຖະກິດຊົນນະບົດ,ຮັບປະກັນການກໍ່ສ້າງຊົນນະບົດໃໝ່ໃຫ້ໄດ້ຮັບຄວາມຄືບໜ້າໃໝ່.
ປີນີ້, ຈີນໄດ້ຍົກເລີກອາກອນກະສິກຳ,ຊຸກຍູ້ການກໍ່ສ້າງຊົນນະບົດໃໝ່ຢ່າງຮອບດ້ານ,ອຳນາດການປົກຄອງແຫ່ງຕ່າງໆໄດ້ເພີ່ມອົບປະມານຊ່ອຍເຫຼືອກະສິກຳ,ເພີ່ມການອົບຮົມຊາວກະສິກອນ.ເມື່ອຮອດໄລຍະທ້າຍປີນີ້,ຈີນໄດ້ປະກົດມີສະພາບທີ່ຜົນຜະລິດທັນຍາຫານໄດ້ເພີ່ມຂຶ້ນ,ຊາວນາມີລາຍໄດ້ຫຼາຍຂຶ້ນ,ເສດຖະກິດຊົນນະບົດໄດ້ພັດທະນາໄວສົມຄວນ.
ກອງປະຊຸມຂອງຄະນະລັດຖະບານຈີນເຫັນວ່າ,ໃນປັດຈຸບັນ,ການພັດທະນາກະສິກຳແລະຊົນນະບົດຍັງມີຫຼາຍບັນຫາແລະຄວາມຂັດແຍ່ງ,ອັນໄດ້ສະແດງໃຫ້ເຫັນຢ່າງພົ້ນເດັ່ນຢູ່ໃນດ້ານຕ່າງໆເຊັ່ນພື້ນຖານກະສິກຳຍັງບໍ່ໝັ້ນແກ່ນ,ພື້ນຖານໂຄງລ່າງຂອງຊົນນະບົດຍັງອ່ອນນ້ອຍຢູ່,ການພັດທະນາດ້ານວຽກງານສັງຄົມໃນຊົນນະບົດຍັງຫຼ້າຫຼັງເປັນຕົ້ນ.ສະນັ້ນ,ວຽກງານກະສິກຳແລະຊົນນະບົດໃນປີໜ້າຕ້ອງສືບຕໍ່ປັບປຸງນະໂຍບາຍສະໜັບສະໜູນແລະສ້າງຜົນປະໂຫຍດໃຫ້ແກ່ຊາວກະສິກອນໃຫ້ຫຼາຍຂຶ້ນ,ເພີ່ມການລົງທຶນເຂົ້າໃນກະສິກຳ,ຊຸກຍູ້ການກໍ່ສ້າງກະສິກຳທັນສະໄໝ,ເພີ່ມທະວີການບໍລິການສາທາລະນະຢູ່ເຂດຊົນນະບົດເປັນຕົ້ນ.
|
|
