|
|
 |
| (GMT+08:00)
2006-11-30 21:29:50
|
 |
|
ໄຂກອງປະຊຸມລະລຶກວັນສາກົນສະໜັບສະໜູນປະຊາຊົນປາເລັສຕິນ
cri
ຕາມຂ່າວCRI,ກອງປະຊຸມລະລຶກວັນສາກົນສະໜັບສະໜູນປະຊາຊົນປາເລັສຕິນໄດ້ຈັດຂຶ້ນຢູ່ສຳນັກງານໃຫຍ່ສະຫະປະຊາຊາດທີ່ນີວຢອກໃນວັນທີ29ພະຈິກນີ້.
ທ່ານໂກຟີ ອານນານ ເລຂາທິການໃຫຍ່ສະຫະປະຊາຊາດໄດ້ກ່າວສູນທອນພົດໃນກອງປະຊຸມ,ທ່ານຮຽກຮ້ອງໃຫ້ສອງຝ່າຍປາເລັສຕິນອິສຣາແອນພ້ອມກັນພະຍາຍາມຟື້ນຟູຂະບວນການສັນຕິພາບທີ່ຕົກຢູ່ໃນສະພາບບໍ່ໄປບໍ່ມານັ້ນຄືນໃໝ່.ເພື່ອບັນລຸເປົ້າໝາຍທີ່ປາເລັສຕິນສ້າງຕັ້ງປະເທດແລະອິສຣາແອນໄດ້ມີຄວາມປອດໄພ.
ໃນໂທລະເລກອວຍພອນ,ທ່ານເວິ່ນເຈ່ຍປາວ ນາຍົກລັດຖະມົນຕີຈີນກ່າວວ່າ,ບັນຫາປາເລັສຕິນແມ່ນໃຈກາງຂອງບັນຫາຕາເວັນອອກກາງ.ຈີນສະໜັບສະໜູນການຟື້ນຟູຂະບວນການສັນຕິພາບຕາເວັນອອກກາງໂດຍໄວ,ດຳເນີນການເຈລະຈາທາງການເມືອງ, ອີງຕາມມະຕິທີ່ກ່ຽວຂ້ອງຂອງສະຫະປະຊາຊາດແລະຫຼັກການເອົາທີ່ດິນແລກປ່ຽນສັນຕິພາບ,ສ້າງຕັ້ງປະເທດປາເລັສຕິນທີ່ເປັນອິດສະຫຼະແລະຢູ່ຮ່ວມກັນໂດຍສັນຕິກັບອິສຣາແອນ.
ວັນທີ29ພະຈິກ,ຢູ່ນະຄອນຫຼວງເລີແກຂອງເອຢິບ, ພາຍຫຼັງໄດ້ເຈລະຈາກັບທ່ານອິສມາອີວ ຮານິເຢ ນາຍົກລັດຖະມົນຕີລັດຖະບານປົກຄອງຕົນເອງຂອງປາເລັສຕິນທີ່ມາຢ້ຽມຢາມ,ທ່ານອາມໂມຊາ ເລຂາທິການໃຫຍ່ສັນນິບາດອາລັບກ່າວວ່າ,ປະຊາຄົມໂລກຄວນໃຊ້ການກະທຳຕົວຈິງເພື່ອຍົກເລີກການປິດລ້ອມຕໍ່ປາເລັສຕິນ,ແລະຊ່ອຍເຫຼືອປາເລັສຕິນສ້າງຕັ້ງລັດຖະບານປະສົມແຫ່ງຊາດໂດຍໄວ.
|
|
|
