|
|
 |
| (GMT+08:00)
2006-11-30 21:37:35
|
 |
|
ຈີນຫວັງໃຫ້ການເຈລະຈາຫົກຝ່າຍຈັດຂຶ້ນໂດຍໄວແລະໄດ້ຮັບຄວາມຄືບໜ້າ
cri
ຕາມຂ່າວCRI,ວັນທີ30ພະຈິກນີ້,ໃນງານຖະແຫຼງຂ່າວທີ່ຈັດຂຶ້ນຢູ່ປັກກິ່ງ,ນາງຈ່ຽງຢູໂຄສົກກະຊວງການຕ່າງປະເທດຈີນກ່າວວ່າ,ຈີນຫວັງໃຫ້ຝ່າຍຕ່າງໆຂອງການເຈລະຈາຫົກຝ່າຍກຳໂອກາດ,ໃຊ້ການກະທຳຢ່າງຕັ້ງໜ້າ,ເພື່ອເຮັດໃຫ້ການເຈລະຈາຫົກຝ່າຍໄລຍະຕໍ່ໄປໄດ້ຈັດຂຶ້ນໂດຍໄວແລະໄດ້ຮັບຄວາມຄືບໜ້າເປັນຢ່າງດີ
ນາງກ່າວວ່າ,ພາຍຫຼັງຫົວໜ້າຄະນະຜູ່ແທນເຈລະຈາຫົກຝ່າຍຂອງຈີນ,ອາເມລິກາແລະສປປເກົາຫຼີພົບປະກັນຢ່າງບໍ່ເປັນທາງການໃນເດືອນແລ້ວນີ້,ວັນທີ28ແລະວັນທີ29ພະຈິກ,ສາມຝ່າຍດັ່ງກ່າວໄດ້ຈັດການພົບປະກັນຢ່າງບໍ່ເປັນທາງການຢູ່ປັກກິ່ງອີກ.ສາມຝ່າຍໄດ້ແລກປ່ຽນຄວາມເຫັນຢ່າງກົງໄປກົງມາແລະລົງເລິກກ່ຽວກັບການຊຸກຍູ້ການເຈລະຈາຫົກຝ່າຍ.ຝ່າຍຈີນເຫັນວ່າ,ການພົບປະເທື່ອນີ້ມີຜົນດີຕໍ່ຝ່າຍຕ່າງໆເພີ່ມຄວາມເຂົ້າໃຈກັນກ່ຽວກັບຫຼັກໝັ້ນແລະຄວາມສົນໃຈຂອງແຕ່ລະຝ່າຍ.
ນາງຈ່ຽງຢູກ່າວວ່າ,ໃນຖານະເປັນປະເທດປະທານຂອງການເຈລະຈາຫົກຝ່າຍ,ຈີນຈະຮັກສາຄວາມພະຍາຍາເພື່ອທຳຄວາມເຂົ້າໃຈກັນກັບຝ່າຍຕ່າງໆກ່ຽວກັບວັນເວລາຈັດການເຈລະຈາຫົກຝ່າຍໄລຍະຕໍ່ໄປແລະບັນຫາອື່ນໆ.
|
|
|
