|
ທ່ານບຸສເວົ້າວ່າ,ລັດຖະບານອາເມລິກາຈະປັບປຸງນະໂຍບາຍແລະຍຸດທະສາດຕໍ່ອີຣັກ
cri
Author: shuo
ຕາມຂ່າວCRI:ວັນທີ30ພະຈິກ,ທ່ານບຸສ ປະທານາທິບໍດີອາເມລິກາທີ່ພວມຢ້ຽມຢາມຊອກດານີກ່າວວ່າ,ລັດຖະບານອາເມລິກາຈະປັບປຸງນະໂຍບາຍແລະຍຸດທະສາດຕໍ່ອີຣັກ,ຮັບຟັງຂໍ້ສະເໜີຂອງຝ່າຍຕ່າງໆ,ເພື່ອຫັນປ່ຽນສະພາບການຄວາມປອດໄພຂອງອີຣັກໃນປະຈຸບັນນີ້.
ທ່ານບຸສແມ່ນໃຫ້ທັດສະນະດັ່ງກ່າວພາຍຫຼັງໄດ້ເຈລະຈາກັບທ່ານນູລີ ອານ ມາລີຄີ ນາຍົກລັດຖະມົນຕີອີຣັກທີ່ໄປຢ້ຽມຢາມອຳມານໃນມື້ດຽວກັນ.ຕາມເຜີຍໃຫ້ຮູ້ວ່າ,ໃນການເຈລະຈາ,ສອງຝ່າຍເຫັນເປັນເອກະສັນກັນວ່າ,ຄວນມອບໜ້າທີ່ປ້ອງກັນຄວາມປອດໄພຂອງອີຣັກໃຫ້ແກ່ກອງທະຫານອີຣັກໂດຍໄວເທົ່າທີ່ຈະໄວໄດ້,ແຕ່ສອງຝ່າຍບໍ່ໄດ້ຕົກລົງຕາລາງເວລາຖອນທະຫານອາເມລິກາອອກໄປ.
ໃນມື້ດຽວກັນ,ທ່ານສຕີເຟີນ ຮາດລີ ຜູ້ຊ່ອຍຂອງປະທານາທິບໍດີອາເມລິກາກ່ຽວກັບວຽກງານຄວາມປອດໄພແຫ່ງຊາດກ່າວວ່າ,ທ່ານບຸສຈະປະກາດແຜນປັບປຸງນະໂຍບາຍພາຍຫັຼງບໍ່ເທົ່າໃດສັບປະດາທີ່ໜ່ວຍຄົ້ນຄວ້າບັນຫາອີຣັກທີ່ປະກອບໂດຍບຸກຄົນພັກເດໂມແຄ ຣັດແລະພັກຣີພັບລິກກັນວາງຂໍ້ສະເໜີຕໍ່ນະໂຍບາຍອີຣັກໃນວັນທີ6ທັນວານີ້ແລ້ວ.ຕາມໄດ້ຊາບ,ໜ່ວຍຄົ້ນຄວ້າບັນຫາອີຣັກຈະສະເໜີໃຫ້ລັດຖະບານອາເມລິກາເລີ່ມຖອນທະຫານອອກຈາກອີຣັກເທື່ອລະກ້າວແຕ່ຕົ້ນປີ2007ເປັນຕົ້ນໄປ.
ອີງຕາມຜົນການສຳຫຼວດສະບັບໜຶ່ງທີ່ອົງການສຳຫຼວດຮາລິສອາເມລິກາປະກາດໃນມື້ດຽວກັນ,ມີຊາວອາເມລິກາ86%ເຫັນວ່າອີຣັກພວມເກີດສົງຄາມກາງເມືອງ,ມີຜູ້ໃຫ້ສຳພາດ51%ຫວັງໃຫ້ລັດຖະບານວາງຕາລາງເວລາຖອນທະຫານອອກຈາກອີຣັກ.
|
|
