|
ທ່ານຮູຈິນທ່າວກ່າວວ່າ,ຈີນຍິນດີເພີ່ມທະວີການຮ່ວມມືກັບອົງການອະນາໄມໂລກ
cri
Author: shuo
|
ຕາມຂ່າວCRI:ວັນທີ1ທັນວານີ້,ຢູ່ທີ່ປັກກິ່ງ,ໃນເວລາພົບປະນາງມາກຼິດ ຊັນ ຜູ້ໃກ້ຈະຂຶ້ນຮັບຕຳແໜ່ງເປັນຜູ້ອຳນວຍການໃຫຍ່ອົງການອະນາໄມໂລກ,ທ່ານຮູຈິນທ່າວ ປະທານປະເທດຈີນກ່າວວ່າ,ລັດຖະບານຈີນຈະສະໜັບສະໜູນວຽກງານຂອງອົງການອະນາໄມໂລກຄືແຕ່ເກົ່າເມືອຫຼັງ,ເພີ່ມທະວີການຮ່ວມມືກັບອົງການນີ້ໃນວຽກງານອະນາໄມຂອງໂລກ.
ທ່ານຮູຈິນທ່າວອວຍພອນນາງມາກຼິດ ຊັນໄດ້ຮັບເລືອກຕັ້ງເປັນຜູ້ອຳນວຍການໃຫຍ່ອົງການອະນາໄມໂລກ,ໄດ້ຕີລາຄາສູງຕໍ່ຄວາມພະຍາຍາມອັນຕັ້ງໜ້າແລະບົດບາດສຳຄັນຂອງອົງການອະນາໄມໂລກໃນການຊຸກຍູ້ການພັດທະນາພາລະ ກິດອະນາໄມຂອງໂລກແລະຊຸກຍູ້ການຮ່ວມມືດ້ານອະນາໄມໃນທົ່ວໂລກ.ທ່ານຫວັງໃຫ້ນາງມາກຼິດ ຊັນສວຍໃຊ້ຄຸນທາດວິຊາສະເພາະອັນດີແລະບົດຮຽນເຮັດ ວຽກອັນອຸດົມສົມບູນຂອງຕົນຢ່າງເຕັມທີ່,ນຳພາອົງການອະນາໄມໂລກຮັບໃຊ້ສຸກຂະພາບຂອງປະຊາຊົນປະເທດຕ່າງໆໃນໂລກ.
ນາງມາກຼິດ ຊັນກ່າວວ່າ,ຈະພະຍາຍາມສຸດຄວາມສາມາດດຳລົງຕຳແໜ່ງຜູ້ອຳນວຍການໃຫຍ່ໃຫ້ດີ,ຍິນດີພ້ອມກັນພະຍາຍາມກັບຝ່າຍຕ່າງໆ,ຊຸກຍູ້ໃຫ້ອົງການອະນາໄມໂລກບໍລິການປະຊາຊົນທົ່ວໂລກຍິ່ງດີກວ່າເກົ່າ.
|
|
