|
|
 |
| (GMT+08:00)
2006-12-03 22:27:15
|
 |
|
ທ່ານຮານີຢາ ນາຍົກລັດຖະມົນຕີລັດຖະບານປົກຄອງຕົນເອງຂອງປາເລັດສະຕິນປະຕິເສດບໍ່ລາອອກຈາກຕຳແໜ່ງ
cri
Author: shuo
ຕາມຂ່າວCRI:ພາຍຫຼັງຄະນະບໍລິຫານງານອົງການປົດປ່ອຍປາເລັດສະຕິນຮຽກຮ້ອງໃຫ້ທ່ານອິນແມນ ຮານີຢາ ນາຍົກລັດຖະມົນຕີລັດຖະບານປົກຄອງຕົນເອງປາເລັດສະຕິນ ຜູ້ ນຳຂະບວນການອິສລາມຕໍ່ຕ້ານຫຼືຮາມາສລາອອກຈາກຕຳແໜ່ງໃນວັນທີ1ທັນວາແລ້ວ,ວັນທີ2ທັນວາ,ທ່ານຮານີຢາໄດ້ປະຕິເສດຄຳຮຽກຮ້ອງດັ່ງກ່າວ.
ວັນທີ2ທັນວາ,ຢູ່ກາຊາ,ທ່ານຄາລິນ ອານ ແຮຢາ ຜູ້ນຳຝ່າຍອົງການຮາມາສໃນຄະນະກຳມະການນິຕິບັນຍັດປາເລັດສະຕິນຊີ້ອອກວ່າ,ຖ້າຄະນະບໍລິຫານງານຂອງອົງການປົດປ່ອຍປາເລັດສະຕິນຕົກລົງຍຸບເລີກລັດຖະບານຊຸດໃໝ່ທີ່ນຳໂດຍຮາມາສ,ປາເລັດສະຕິນ ຈະຕົກຢູ່ໃນສະພາບການວຸ້ນວາຍ.ທ່ານກ່າວວ່າ,ທ່ານມາມຸດ ອາບບາສ ປະທານອງການ ອຳນາດແຫ່ງຊາດປາເລັດສະຕິນພ້ອມດ້ວຍຂະບວນການປົດປ່ອຍແຫ່ງຊາດປາເລັດສະຕິນ ຫຼືອານຟາຕາທີ່ທ່ານນຳພານັ້ນຄວນຫາບແບກໜ້າຮັບຜິດຊອບທີ່ຕໍ່ການເສຍໄຊຂອງການເຈລະຈາກ່ຽວກັບການປະກອບສ້າງລັດຖະບານປະສົມແຫ່ງຊາດ.
ໃນມື້ດຽວກັນ,ທ່ານຈາເວຍ ໂຊລານາ ມາດາເລຍກາ ຜູ້ຕາງໜ້າຊັ້ນສູງຂອງສະຫະພາບເອີລົບທີ່ຮັບຜິດຊອບນະໂຍບາຍການຕ່າງປະເທດແລະຄວາມປອດໄພທີ່ພວມຢ້ຽມຢາມກາຊາໄດ້ຕິຕຽນຮາມາສພາດໂອກາດທີ່ດີທີ່ປະກອບສ້າງລັດຖະບານປະສົມແຫ່ງຊາດ.
ວັນທີ30ພະຈິກ,ທ່ານອາບບາສກ່າວວ່າ,ການເຈລະຈາກ່ຽວກັບການປະກອບສ້າງລັດຖະ ບານປະສົມແຫ່ງຊາດປາເລັດສະຕິນໄດ້ຕົກຢູ່ສະພາບບໍ່ໄປບໍ່ມາ.ຕອນຄ່ຳວັນທີ1ທັນວາ, ຄະນະບໍລິຫານງານອົງການປົດປ່ອຍປາເລັດສະຕິນຮຽກຮ້ອງໃຫ້ລັດຖະບານປົກຄອງຕົນເອງທີ່ນຳໂດຍອົງການຮາມາສລາອອກຈາກຕຳແໜ່ງ,ເພື່ອຖືເປັນເງື່ອນໄຂທີ່ຟຶ້ນຟູການເຈລະຈາກ່ຽວກັບການປະກອບສ້າງລັດຖະບານປະສົມແຫ່ງຊາດປາເລັດສະຕິນ.
|
|
|
