|
|
 |
| (GMT+08:00)
2006-12-06 15:12:19
|
 |
|
ສຳພາດຄະນະນັກກິລາຕີມໍເລັສເຕທີ່ເຂົ້າຮ່ວມງານເອຊຽນເກມໂດຮາ
cri
Author: sayvanny
ວັນທີ 1 ທັນວານີ້ ງານເອຊຽນເກມຄັ້ງທີ 15 ໄດ້ຈັດຂຶ້ນຢູ່ໂດຮາ ນະຄອນຫລວງແຫ່ງກາຕາ,ນັກກິລາປະມານ 1 ຫມື່ນ 2 ພັນຄົນຂອງ 45 ປະເທດແລະເຂດແຄວ້ນໄດ້ເຂົ້າຮ່ວມງານຄັ້ງນີ້.ໃນຖານະເປັນປະເທດທີ່ສ້າງຕັ້ງຂຶ້ນໃຫມ່ໆຂອງອາຊີ, ຕີມໍເລັສເຕກໍ່ໄດ້ສົ່ງນັກກິລາ 15 ຄົນເຂົ້າຮ່ວມການແຂ່ງຂັນ 6 ປະເພດກິລາ.
ໃນງານເອຊຽນເກມທີ່ຈັດຂຶ້ນຢູ່ປູຊານຂອງສ.ເກົາຫລີເມື່ອປີ 2002,ຕີມໍເລັສເຕທີ່ຫາກໍ່ໄດ້ຮັບເອກະລາດບໍ່ດົນກໍ່ໄດ້ສົ່ງນັກກິລາໄປຮ່ວມ,ປີ 2004, ກໍ່ໄດ້ສົ່ງນັກກິລາ 6 ຄົນໄປຮ່ວມງານກິລາໂອລິມປິກທີ່ອາແຕນ.ໃນງານເອຊຽນເກມທີ່ຈັດຂຶ້ນຢູ່ໂດຮາປີນີ້, ຕີມໍເລັສເຕກໍ່ໄດ້ສົ່ງຄະນະນັກກິລາໄປ. ທ່ານເປີນັນໂຕແອມຄານາຄາວ ຫົວຫນ້າຄະນະເວົ້າວ່າ, ເຖິງວ່າຄະນະນັກກິລາຕີມໍເລັສເຕບໍ່ມີຄວາມຫວັງຊິງໄດ້ຫລຽນໃດໆໃນການແຂ່ງຂັນເທື່ອນີ້, ແຕ່ພວກເຂົາເຈົ້າຫວັງຜ່ານການເຂົ້າຮ່ວມການແຂ່ງຂັນເທື່ອນີ້,ເພື່ອໃຫ້ນັກກິລາມີປະສົບການໃນການແຂ່ງຂັນໃຫ້ຫລາຍຂຶ້ນ, ດ້ານຫນຶ່ງອີກກໍ່ແມ່ນເພື່ອສະແດງນ້ຳໃຈໂອລິມປິກ.ທ່ານເວົ້າວ່າ:
ພວກຂ້າພະເຈົ້າມາໂດຮາບໍ່ແມ່ນເພື່ອມາທ່ຽວຊື່ໆ,ຫາກແມ່ນເພື່ອສະແດງໃຫ້ເຫັນຈິດໃຈກິລາໂອລິມປິກ,ຜ່ານການເຂົ້າຮ່ວມການແຂ່ງຂັນ, ຄົບຫາຫມູ່ເພື່ອນຢ່າງກວ້າງຂວາງ,ຍັງສາມາດເຮັດໃຫ້ປະສົບການໃນການແຂ່ງຂັນຂອງນັກກິລາຫລາຍຂຶ້ນຕື່ມສຳຄັນແມ່ນການເສີມຂະຫຍາຍຈິດໃຈໂອລິມປິກທີ່ເນັ້ນເຖິງການເຂົ້າຮ່ວມ.
ຕັ້ງແຕ່ສະຫະປະຊາຊາດປະກາດຕີມໍເລັສເຕເປັນເອກະລາດພາຍຫລັງການປ່ອນບັດຂອງທົ່ວປວງຊົນໃນປີ 1999 ແລ້ວ, ສະຖານະການຂອງຕີມໍເລັສເຕປັ່ນປ່ວນຢ່າງຕໍ່ເນື່ອງ,ການຂະຫຍາຍຕົວຂອງວຽກງານກິລາກໍ່ຖືກກະທົບກະເທືອນຢ່າງຫນັກຫນ່ວງ,ລັດຖະບານບໍ່ໄດ້ລົງທຶນໃສ່ວຽກງານດ້ານນີ້ຫລາຍ,ນັກກິລາກໍ່ບໍ່ໄດ້ຮັບການຝຶກແອບຢ່າງເປັນລະບົບ.|
ທ່ານໃຫ້ສຳພາດວ່າ:
ພວກຂ້າພະເຈົ້າຫວັງໃຫ້ສະຫະພັນດອກປີກໄກ່ສາກົນຊ່ວຍພວກ ຂ້າພະເຈົ້າ, ເຮັດໃຫ້ນັກກິລາທີ່ມີຄວາມສາມາດຫລາຍຄົນຂອງພວກຂ້າພະເຈົ້າໄປຝຶກແອບຢູ່ປະເທດທີ່ຫລິ້ນດອກປີກໄກ່ເກັ່ງ, ໂດຍສະເພາະແມ່ນຈີນ.
ເມື່ອກ່າວເຖິງກຳລັງບົ່ມຊ້ອນດ້ານກິລາຂອງຕີມໍເລັສເຕ,ທ່ານແອມຄານາຄາວເວົ້າວ່າ, ປັດຈຸບັນ, ຕີມໍເລັສເຕມີນັກກິລາທີ່ມີຄວາມສາມາດບົ່ມ ຊ້ອນໃນກິລາປະເພດມວຍສາກົນ ລາຍການຄະລັດເຕໂດແລະລາຍການເທຄວັນໂດ,ຫວັງວ່າພວກເຂົາເຈົ້າຈະສ້າງຄວາມກຽດໃຫ້ແກ່ປະເທດຊາດໃນບໍ່ດົນນີ້.
ສຸດທ້າຍ,ທ່ານແອມຄານາຄາວເວົາວ່າ, ຈີນແມ່ນມະຫາປະເທດກິລາ, ໄດ້ຮັບຜົນງານດີຢ່າງຫລວງຫລາຍທີ່ເຮັດໃຫ້ຄົນຕື່ນເຕັ້ນໃຈໃນການແຂ່ງຂັນກິລາສາກົນ.ພ້ອມກັນນັ້ນ, ກຳລັງແຮງສັງລວມແຫ່ງຊາດຂອງຈີນກໍ່ເຂັ້ມແຂງຫລາຍ.ສະນັ້ນ, ທ່ານເຊື່ອວ່າ:ງານໂອລິມປິກປັກກິ່ງທີ່ຈັດຂຶ້ນໃນປີ 2008ແລະງານເອຊຽນເກມກວາງໂຈວທີ່ຈັດຂຶ້ນໃນປີ 2010 ຈະໄດ້ຮັບຜົນສຳເລັດ.
ທ່ານເວົ້າວ່າ:
ຕີມໍເລັສເຕຈະພະຍາຍາມສົ່ງນັກກິລາຫລາຍກວ່າເກົ່າໄປເຂົ້າຮ່ວມງານກິລາໂອລິມປິກທີ່ຈະຈັດຂຶ້ນຢູ່ປັກກິ່ງໃນປີ 2008 ແລະງານເອຊຽນເກມທີ່ຈະຈັດຂຶ້ນຢູ່ເມືອງກວາງໂຈວໃນປີ 2010.ນັກກິລາຕີມໍເລັສເຕບໍ່ຫວັງຢາກຊິງໄດ້ຫລຽນ, ແຕ່ຈະພະຍາຍາມຈົນສຸດຄວາມສາມາດເພື່ອສ້າງຜົນງານທີ່ດີກວ່າເກົ່າ.
|
|
|
