|
ຕາມຂ່າວສານຊິນຮວາ,ຕອນຮຸ່ງເຊົ້າວັນທີ9ທັນວານີ້,ສະພາສູງອາເມລິກາໄດ້ຮັບຮອງກົດໝາຍວ່າດ້ວຍການໃຫ້ຖານະການພົວພັນການຄ້າປົກກະຕິຖາວອນແກ່ຫວຽດນາມດ້ວຍ79ບັດເຫັນດີ,9ບັດຄັດຄ້ານ.ຮອດຂະນະນັ້ນ,ສະພາສູງແລະສະພາຕ່ຳຂອງອາເມລິກາໄດ້ຮັບຮອງກົດໝາຍດັ່ງກ່າວແລ້ວ.
ຕອນຮຸ່ງເຊົ້າວັນທີ9ທັນວາ,ທ່ານຈອດຈ໌ບຸສ ປະທານາທິບໍດີອາເມລິກາໄດ້ອອກຖະແຫຼງການຊົມເຊີຍຜົນການປ່ອນບັດດັ່ງກ່າວ.ທ່ານກ່າວວ່າ,ການໃຫ້ຖານະການພົວພັນການຄ້າປົກກະຕິຖາວອນແກ່ຫວຽດນາມແມ່ນບາດກ້າວທີ່ມີຄວາມໝາຍສຳຄັນໃນການຫັນການພົວພັນອາເມລິກາຫວຽດນາມເປັນປົກກະຕິ,ມີຜົນດີຕໍ່ປະເທດທັງສອງ.
ວົງການການຄ້າອາເມລິກາຊົມເຊີຍໂດຍທົ່ວໄປຕໍ່ການໃຫ້ຖານະການພົວພັນການຄ້າປົກກະຕິຖາວອນແກ່ຫວຽດນາມ,ເຫັນວ່ານີ້ຈະເຮັດໃຫ້ວິສາຫະກິດອາເມລິກາເຂົ້າຕະຫຼວດຫວຽດນາມເພື່ອຊອກຫາໂອກາດທຸລະກິດຢ່າງສະດວກ.
ນັບແຕ່ອາເມລິກາກັບຫວຽດນາມເຊັນສັນຍາການຄ້າສອງຝ່າຍໃນ5ປີກ່ອນມານີ້,ການຄ້າລະຫວ່າງສອງປະເທດໄດ້ພັດທະນາຢ່າງວ່ອງໄວ,ມູນຄ່າການຄ້າໄດ້ຈາກ1ຕື້200ລ້ານໂດລາເມື່ອປີ2000ເພີ່ມຂຶ້ນເປັນ7ຕື້800ລ້ານໂດລາໃນປີກາຍນີ້.
|
