|
ປີ2007,ໂຮງຮຽນປະຖົມແລະມັດຖະຍົມຕົ້ນໃນຊົນນະບົດຈີນຈະບໍ່ເກັບຄ່າຮຽນແລະຄ່າສາລະພັດ
cri
Author: shuo
ຕາມຂ່າວສານຊິນຮວາ:ວັນທີ11ທັນວານີ້,ທ່ານເຈ່ວຈີ້ ລັດຖະມົນຕີວ່າການກະຊວງສຶກສາທິການຈີນກ່າວວ່າ,ປີ2007,ນັກຮຽນໝົດທຸກຄົນຂອງໂຮງຮຽນປະຖົມແລະມັດຖະຍົມຕົ້ນໃນຊົນນະບົດຈີນຈະບໍ່ຈ່າຍຄ່າຮຽນແລະຄ່າສາລະພັດອີກ,ນັກຮຽນ150ລ້ານຄົນຈະໄດ້ຮັບຜະໂຫຍດຈາກມາດຕະການນີ້.
ທ່ານໂຈ່ວຈີ້ແມ່ນເປີດເຜີຍຂ່າວດັ່ງກ່າວໃນກອງປະຊຸມທີ່ກ່ຽວຂ້ອງທີ່ຈັດຂຶ້ນຢູ່ເມືອງຫວູ ຮ້ານທາງພາກກາງຂອງຈີນ.
ທ່ານໂຈ່ວຈີ້ເວົ້າວ່າ,ໃນເວລາສາທາລະນະລັດປະຊາຊົນຈີນຫາກໍ່ສ້າງຕັ້ງຂຶ້ນ,ອັດຕາເຂົ້າຮຽນປະຖົມໃນທົ່ວປະເທດຢູ່ລະຫວ່າງ20%,ມັດທະຍົມຕົ້ນມີແຕ່6%,ດຽວນີ້,ອັດຕາເຂົ້າຮຽນປະຖົມແລະມັດທະຍົມຕົ້ນລ້ວນແຕ່ໄດ້ສູງກວ່າ95%ແລ້ວ.ເດືອນມີນາປີນີ້,ລັດຖະບານຈີນໄດ້ວາງຄາດໝາຍວ່າ,ໃຊ້ເວລາສອງປີຍົກເວັ້ນຄ່າຮຽນແລະຄ່າສາລະພັດຂອງນັກຮຽນທີ່ຮັບການສຶກສາພາກບັງຄັບໃນຊົນນະບົດ,ປີນີ້ປະຕິບັດຢູ່ເຂດພາກຕາເວັນຕົກ,ປີໜ້າຂະຫຍາຍໄປຮອດເຂດກາງແລະຕາເວັນອອກ.ກົດໝາຍວ່າດ້ວຍການສຶກສາພາກບັງຄັບທີ່ຈີນດັດແກ້ໃນຫວ່າງກ່ອນນີ້ບໍ່ດົນກໍ່ກຳນົດຢ່າງຈະແຈ້ງວ່າ,ການລົງທຶນເຂົ້າໃນການສຶກສາຕ້ອງໃຫ້ໂຮງຮຽນຊົນນະບົດຫຼາຍກວ່າ,ລັດຖະບານຄວນນຳພາແລະສົ່ງເສີມຜູ້ຮຽນຈົບຈາກມະຫາວິທະຍາໄລແລະຄູອາຈານໄປສິດສອນຢູ່ຊົນນະບົດ.
|
|
