|
ອົງການການຄ້າໂລກເວົ້າວ່າ,ໃຕ້ການສະໜັບສະໜູນຂອງເຂດໃນຈີນ,ເສດຖະກິດຂອງຮົງກົງມີອະນາຄົດອັນແຈ້ງສະຫວ່າງ
cri
Author: shuo
ຕາມຂ່າວສານຊິນຮວາ:ວັນທີ13ທັນວານີ້,ບົດລາຍງານກ່ຽວກັບສະພາບການເສດຖະກິດແລະນະໂຍບາຍການຄ້າຂອງເຂດບໍລິຫານພິເສດຮົງກົງຈີນທີ່ປະກາດໂດຍອົງການການຄ້າໂລກຊີ້ອອກວ່າ,ໃຕ້ການສະໜັບສະໜູນຂອງເຂດໃນຈີນ,ເສດຖະກິດຂອງຮົງກົງມີອະ ນາຄົດອັນແຈ້ງສະຫວ່າງ.
ບົດລາຍງານຊີ້ອອກວ່າ,ແຕ່ປີ2002ຮອດປີ2005,ຈັງຫວະເຕີບໂຕຂອງເສດຖະກິດຈີນໄດ້ຈາກບໍ່ຮອດ2%ຖີບສູງຄືນຂຶ້ນໄວກວ່າ7%.ຜົນງານດ້ານເສດຖະກິດຂອງຮົງກົງແມ່ນຍ້ອນການໄຂປະຕູຂອງຮົງກົງໃນຂົງເຂດການຄ້າແລະທຶນຕ່າງປະເທດ,ກໍຍ້ອນສະພາບແວດລ້ອມທາງນອກອັນດີງາມ ນະໂຍບາຍເສດຖະກິດມະຫາພາກທີ່ສະຫຼາດສະຫຼຽວ ການປະຕິຮູບອົງປະກອບເສດຖະກິດພ້ອມດ້ວຍການເຕີບໂຕຢ່າງແຂງແຮງຂອງເສດຖະກິດເຂດໃນຈີນ.
ບົດລາຍງານເຫັນວ່າ,ອີງຕາມຫຼັກການປະເທດດຽວມີສອງລະບອບ,ກົດໝາຍພື້ນຖານຂອງເຂດບໍລິຫານພິເສດຮົງກົງເຮັດໃຫ້ການພົວພັນການຄ້າລະຫວ່າງຮົງກົງກັບຕ່າງປະເທດຢູ່ໃຕ້ການປົກຄອງຕົນເອງໃນລະດັບສູງ.ໃຕ້ຂອບກົດໝາຍພື້ນຖານ,ຮົງກົງໄດ້ຮັກສາຖານະທ່າເສລີ,ເກືອບບໍ່ມີກຳແພງການຄ້າຫຍັງ.
|
|
