|
|
 |
| (GMT+08:00)
2006-12-14 17:36:54
|
 |
|
ກອງປະຊຸມຊຸກຍູ້ການໂຮມຈີນເຂົ້າເປັນເອກະພາບໂດຍສັນຕິຂອງຊາວຈີນຕ່າງດ້າວທົ່ວໂລກປີ2006ໄຂຂຶ້ນຢູ່ມາກາວ
cri
Author: shuo
ຕາມຂ່າວCRI:ຕອນເຊົ້າວັນທີ14ທັນວາ,ຢູ່ມາກາວ,ກອງປະຊຸມຊຸກຍູ້ການໂຮມຈີນເຂົ້າເປັນເອກະພາບກັນໂດຍສັນຕິຂອງຊາວຈີນຕ່າງດ້າວທົ່ວໂລກປີ2006ໄດ້ໄຂຂຶ້ນ,ຜູ້ແທນ1ພັນກວ່າຄົນທີ່ມາຈາກ48ປະເທດແລະເຂດແຄ້ວນໃນໂລກໄດ້ເຂົ້າຮ່ວມກອງປະຊຸມ,ເຊິ່ງລວມທັງຜູ້ແທນ400ຄົນທີ່ມາຈາກເຂດໄຕ້ຫວັນ.ຜູ້ແທນທີ່ຮ່ວມປະຊຸມຈະລົງເລິກຫາລືຫົວຂໍ້ຕ່າງໆຄືການຄັດຄ້ານແລະສະກັດກັ້ນການເຄື່ອນໄຫວແຍກໄຕ້ຫວັນອອກເປັນເອກະລາດ ການຊຸກຍູ້ການແລກປ່ຽນແລະການຮ່ວມມືກັນລະຫວ່າງຊາວຈີນຕ່າງດ້າວ ແຜ່ນ ດິນໃຫຍ່ປະເທດຊາດແລະພີ່ນ້ອງຮົງກົງ ມາກາວ ໄຕ້ຫວັນ.
ທ່ານເຈຍຊີ້ງລີນ ປະທານສະພາປຶກສາການເມືອງແຫ່ງຊາດຈີນ ປະທານສະມາຄົມຊຸກຍູ້ການໂຮມຈີນເຂົ້າເປັນເອກະພາບໂດຍສັນຕິໄດ້ສົ່ງຈົດໝາຍອວຍພອນມາຍັງກອງປະຊຸມ.
ໃນຈົດໝາຍ,ທ່ານເຈຍຊີ້ງລີນໄດ້ສະແດງຄວາມໂຄລົບນັບຖືແລະຄວາມຂອບອົກຂອບໃຈຢ່າງສຸດໃຈຕໍ່ພີ່ນ້ອງຮົງກົງ ມາກາວ ໄຕ້ຫວັນແລະຊາວຈີນຕ່າງດ້າວໝົດທຸກຄົນທີ່ໄດ້ປະກອບສ່ວນເຂົ້າໃນພາລະກິດໂຮມຈີນເຂົ້າເປັນເອກະພາບກັນໂດຍສັນຕິ.
ນາງລິວຢັນຕົ່ງ ຮອງປະທານສະພາປຶກສາການເມືອງແຫ່ງຊາດຈີນໄດ້ກ່າວຄຳປາໄສໃນພິທີໄຂກອງປະຊຸມ,ນາງຫວັງໃຫ້ລູກຫຼານປະຊາຊາດຈີນສາມັກຄີທຸກກຳລັງທີ່ສາມາດສາມັກຄີໄດ້,ພ້ອມກັນພະຍາຍາມເພື່ອຊຸກຍູ້ການໂຮມປະເທດຊາດເຂົ້າເປັນເອກະພາບແລະຟື້ນຟູປະເທດຊາດໃຫ້ຈະເລີນ.
|
|
|
