|
|
 |
| (GMT+08:00)
2006-12-15 21:31:10
|
 |
|
ການເຈລະຈາເສດຖະກິດຍຸດທະສາດລະຫວ່າງຈີນອາເມລິກາຄັ້ງທຳອິດອັດລົງ
cri
Author: shuo
ຕາມຂ່າວCRI:ວັນທີ15ທັນວາ,ຢູ່ປັກກິ່ງ,ການເຈລະຈາເສດຖະກິດດ້ານຍຸດທະສາດລະຫວ່າງຈີນອາເມລິກາຄັ້ງທຳອິດໄດ້ອັດລົງ.ສອງຝ່າຍໄດ້ບັນລຸຄວາມເປັນເອກະພາບກັນກ່ຽວກັບການແກ້ໄຂຄວາມເຫັນແຕກຕ່າງກັນດ້ວຍທ່າທີໂຄລົບເຊິ່ງກັນແລະກັນ.ແລະຕົກລົງວ່າ,ການເຈລະຈາເສດຖະກິດຍຸດທະສາດລະຫວ່າງຈີນອາເມລິກາຄັ້ງທີສອງຈະຈັດຂຶ້ນຢູ່ວໍຊິງຕັນໃນເດືອນພຶດສະພາປີ2007.
ການເຈລະຈາຄັ້ງນີ້ຖືເສັ້ນທາງການພັດທະນາຂອງຈີນແລະຍຸດທະສາດການພັດທະນາເສດຖະກິດຂອງຈີນເປັນຫົວຂໍ້ຫຼັກ,ຈີນອາເມລິກາໄດ້ຫາລືບັນຫາຕ່າງໆທີ່ກ່ຽວພັນເຖິງລັກ ສະນະຍາວນານແລະລັກສະນະຍຸດທະສາດຂອງການພັດທະນາເສດຖະກິດທັງສອງປະເທດຈີນອາເມລິກາ ຄືການຄ້າ ການລົງທຶນ ພະລັງງານແລະການພັດທະນາແບບຍືນຍົງເປັນຕົ້ນ.
ທ່ານນາງອູອີ ຮອງນາຍົກລັດຖະມົນຕີຈີນແລະທ່ານເຮັນລີ ປອນເຊິນ ລັດຖະມົນຕີວ່າການກະຊວງການເງິນອາເມລິກາໄດ້ເປັນປະທານການເຈລະຈາຄັ້ງນີ້ໃນຖານະເປັນຜູ້ຕາງໜ້າພິເສດຂອງປະມຸກລັດສອງປະເທດ.
ການເຈລະຈາເສດຖະກິດຍຸດທະສາດລະຫວ່າງຈີນອາເມລິກາຄັ້ງທີ2ຈະປິ່ນອ້ອມເນື້ອໃນສອງດ້ານ ຄືການປະດິດສ້າງກັບການສຶກສາ ການພັດທະນາການພົວພັນດ້ານເສດຖະກິດການຄ້າລະຫວ່າງຈີນອາເມລິກາ.ວັນທີ15ທັນວານີ້,ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ພົບປະທ່ານປອນເຊິນ. ທ່ານເວີ່ນເຈ່ຍປາວເວົ້າວ່າ,ການເຈລະຈາເສດຖະກິດດ້ານຍຸດທະສາດລະຫວ່າງຈີນອາເມລິກາບໍ່ພຽງແຕ່ແມ່ນເລື່ອງຈຳເປັນທໍ່ນັ້ນ,ຍັງມີຜົນປະໂຫຍດ,ການເຈລະຈາຄັ້ງນີ້ມີຄວາມໝາຍເລິກເຊິ່ງຍາວໄກ.
ໃນວັນທີ15ທັນວາ,ສອງຝ່າຍຈີນອາເມລິກາຍັງໄດ້ເຊັນສັນຍາຫຼາຍສະບັບໃນຂົງເຂດຫຼັກຊັບ ການທະນາຄານ ພະລັງງານແລະການບິນເປັນຕົ້ນ.
|
|
|
