|
ບົດລາຍງານຂອງອົງການຢູນີເຊັຟສະແດງໃຫ້ເຫັນວ່າ,ຈີນໄດ້ຮັບຄວາມຄືບໜ້າໃນບັນຫາຄວາມສະເໝີພາບທາງເພດຂອງແມ່ແລະເດັກ
cri
ຕາມຂ່າວCRI,ວັນທີ15ທັນວານີ້,ຢູ່ທີ່ປັກກິ່ງ,ກອງທຶນເດັກນ້ອຍສະຫະປະຊາຊາດຫຼືຢູນີເຊັຟໄດ້ປະກາດບົດລາຍງານສະພາບເດັກນ້ອຍຂອງໂລກປີ2007ສະບັບພາສາຈີນ,ເຊິ່ງສະແດງໃຫ້ເຫັນວ່າ,ຈີນໄດ້ມີຄວາມຄືບໜ້າໃນບັນຫາຄວາມສະເໝີພາບທາງເພດຂອງແມ່ແລະເດັກ
ບົດລາຍງານດັ່ງກ່າວໄດ້ຄົ້ນຄວ້າຫາລືບັນຫາຕ່າງໆເຊັ່ນຜົນສະທ້ອນຂອງຄວາມສະເໝີພາບທາງເພດໃນໂລກທີ່ມີຕໍ່ການພັດທະນາສັງຄົມມະນຸດເປັນຕົ້ນ,ບົດລາຍງານຍັງໄດ້ປະເມີນແລະສະຖິຕິເປັນພິເສດຕໍ່ຄວາມສະເໝີພາບທາງເພດຂອງຈີນຈາກດ້ານຕ່າງໆເຊັ່ນຄອບຄົວ,ປະກອບອາຊີບ,ປຶກສາຫາລືແລະເຂົ້າຮ່ວມວຽກບ້ານການເມືອງເປັນຕົ້ນ.ບົດລາຍງານເຫັນວ່າ,ຖານະຂອງແມ່ແລະເດັກຂອງຈີນໄດ້ຍົກສູງຂຶ້ນຢ່າງຫຼວງຫຼາຍ,ໃນບັນຫາການສຶກສາ,ການປ້ອງກັນແລະປົວພະຍາດເອດແລະອື່ນໆ,ແມ່ແລະເດັກຂອງຈີນໂດຍສະເພາະແມ່ນແມ່ແລະເດັກຊົນນະບົດແລະໃນໝູ່ຊາວກະສິກອນທີ່ໄປເຮັດວຽກໃນຕົວເມືອງຍັງປະສົບສະພາບທີ່ບໍ່ສະເໝີພາບກັນລະຫວ່າງຍິງຊາຍ.
ຜູ່ຊຽວຊານດ້ານບັນຫາແມ່ຍິງແລະເດັກນ້ອຍຈີນທີ່ເຂົ້າຮ່ວມການປະກາດບົດລາຍງານ ສະເໜີວ່າ,ຈີນຄວນເພີ່ມຄວາມແຮງໃນການສ້າງກົດໝາຍເພື່ອປົກປ້ອງສິດແລະຜົນປະໂຫຍດຂອງແມ່ແລະເດັກຕື່ມອີກ.
|
|
