|
|
 |
| (GMT+08:00)
2006-12-17 18:38:03
|
 |
|
ອົງການຟາວຮຽກຮ້ອງໃຫ້ອະນຸລັກຄວາມຫຼາກຫຼາຍຂອງຊັບພະຍາກອນກຳມະພັນຂອງສັດ
cri
Author: shuo
ຕາມຂ່າວສານຊິນຮວາ:ຫວ່າງມໍ່ໆນີ້,ຢູ່ສຳນັກງານໃຫຍ່ທີ່ໂຣມ,ອົງການທັນຍາຫານແລະກະສິກຳຂອງສະຫະປະຊາຊາດ ຫຼືຟາວໄດ້ອອກປະກາດແຈ້ງການ,ຮຽກຮ້ອງໃຫ້ປະຊາຄົມໂລກຈົ່ງເອົາໃຈໃສ່ນຳການພັດທະນາແບບຍືນຍົງ ການອະນຸລັກແລະການນຳໃຊ້ຄວາມຫຼາກຫຼາຍຂອງຊັບພະຍາກອນກຳມະພັນຂອງສັດທີ່ມີໃນປະຈຸບັນ.
ປະກາດແຈ້ງການຊີ້ອອກວ່າ,ປະຈຸບັນນີ້,ມີເຊື້ອພັນສັດປະມານ20%ໃນທົ່ວໂລກມີຄວາມອັນຕະລາຍທີ່ຈະສູນພັນໄປ,ສະເລ່ຍແລ້ວ,ແຕ່ລະເດື່ອນມີເຊື້ອພັນຊະນິດໜຶ່ງສູນພັນໄປ. ປະກາດແຈ້ງການຂຽນວ່າ,ໃນເຊື້ອພັນ7600ກວ່າຊະນິດທີ່ບັນທຶກໃນສາງຂໍ້ມູນຕົວເລກຊັບພະຍາກອນກຳມະພັນສັດກະສິກຳຂອງໂລກ,ມີ190ຊະນິດໄດ້ສູນພັນໄປຈາກໜ່ວຍ ໂລກໃນ15ປີທີ່ຜ່ານມາ,ປະຈຸບັນນີ້,ຍັງມີ1500ກວ່າຊະນິດມີຄວາມອັນຕະລາຍທີ່ຈະສູນ ພັນໄປ.
ເຈົ້າໜ້າທີ່ອົງການຟາວຮຽກຮ້ອງວ່າ,ປະຊາຄົມໂລກຄວນເອົາໃຈໃສ່ນຳການອະນຸລັກແລະນຳໃຊ້ຊັບພະຍາກອນກຳມະພັນສັດແບບດັ້ງເດີມນັ້ນຢ່າງສົມເຫດສົມຜົນ,ດ້ານໜຶ່ງແມ່ນເພື່ອຮັບປະກັນຄວາມປອດໄພດ້ານທັນຍາຫານຂອງທົ່ວໂລກແລະຊຸກຍູ້ການຜະລິດກະສິກຳ,ອີກດ້ານໜຶ່ງ,ການອະນຸລັກຄວາມຫຼາກຫຼາຍຂອງຊັບພະຍາກອນກຳມະພັນຂອງສັດກໍມີຜົນດີຕໍ່ມະນຸດເຮົາພັດທະນາເຊື້ອພັນສັດໃໝ່ເພື່ອຮັບມືກັບການທ້າທາຍຈາກການປ່ຽນແປງຂອງດິນຟ້າອາກາດແລະພະຍາດ.
|
|
|
