|
|
 |
| (GMT+08:00)
2006-12-17 20:40:14
|
 |
|
ນັບລວມແລ້ວຈີນໄດ້ລົງທຶນໂດຍກົງຢູ່ຕ່າງປະເທດ71ຕື້200ລ້ານໂດລາ
cri
ຕາມໜັງສືພິມເຢິນມິນຢື້ປ້າວ,ນັບມາຮອດທ້າຍເດືອນກັນຍາປີນີ້,ຈີນໄດ້ລົງທຶນໂດຍກົງຢູ່ຕ່າງປະເທດ71ຕື້200ລ້ານໂດລາ,ຕັ້ງວິສາຫະກິດຢູ່ຕ່າງປະເທດຫຼາຍກວ່າ1ໝື່ນແຫ່ງ.
ຕັ້ງແຕ່ຈີນເຂົ້າເປັນສະມາຊິກອົງການການຄ້າໂລກໃນປີ2001ມານີ້,ສະເລ່ຍແລ້ວ,ການລົງທຶນໂດຍກົງຢູ່ຕ່າງປະເທດຂອງຈີນໄດ້ເພີ່ມຂຶ້ນ66%ຕໍ່ປີ,ໄດ້ລົງທຶນຢູ່160ກວ່າປະເທດແລະເຂດແຄວ້ນໃນ5ທະວີບໃຫຍ່.ນອກນີ້,ວິສາຫະກິດຈີນຈຳນວນບໍ່ໜ້ອຍເລີ່ມເຂົ້າສູ່ຂົງເຂດຊື້ຫຸ້ນສ່ວນຂອງບໍລິສັດຕ່າງປະເທດ.ເຊິ່ງ ກາຍເປັນຮູບການສຳຄັນອັນໜຶ່ງທີ່ຈີນລົງທຶນຢູ່ຕ່າງປະເທດໃນປັດຈຸບັນ.
ແຕ່ເວົ້າໃນດ້ານລວມຍອດປະລິມານແລ້ວ,ມູນຄ່າລົງທຶນໂດຍກົງຢູ່ຕ່າງປະເທດຂອງຈີນໃນປັດຈຸບັນຍັງບໍ່ຫຼາຍປານໃດ,ກວມພຽງ0,5%ຂອງທົ່ວໂລກເທົ່ານັ້ນ.ເຈົ້າໜ້າທີ່ກະຊວງການເງິນຈີນກ່າວວ່າ,ລັດຖະບານຈີນຈະໃຊ້ມາດຕະການຕ່າງໆເຊັ່ນປັບປຸງນະໂຍບາຍສະໜັບສະໜູນແລະລະບົບບໍລິການໃຫ້ສົມບູນຂຶ້ນ,ສ້າງກົນໄກຮັບປະກັນຄວາມປອດໄພທີ່ກ່ຽວຂ້ອງແລະອື່ນໆເພື່ອສະໜັບສະໜູນວິສາຫະກິດຈີນໄປລົງທຶນຢູ່ຕ່າງປະເທດ.
|
|
|
