|
|
 |
| (GMT+08:00)
2006-12-24 17:36:34
|
 |
|
ຈີນເລີ່ມສຳຫຼວດພິຈາລະນາຮ່າງກົດໝາຍວ່າດ້ວຍສິດຊັບສິນເປັນຄັ້ງທີ7
cri
Author: shuo
ຕາມຂ່າວCRI:ວັນທີ24ທັນວາ,ຄະນະປະຈຳສະພາປະຊາຊົນແຫ່ງຊາດຈີນເລີ່ມສຳຫຼວດພິຈາລະນາຮ່າງກົດໝາຍວ່າດ້ວຍສິດຊັບສິນເປັນຄັ້ງທີ7.ຮ່າງກົດໝາຍສະບັບນີ້ຈະຍື່ນໃຫ້ສຳຫຼວດພິຈາລະນາແລະລົງມະຕິໃນກອງປະຊຸມສະພາປະຊາຊົນແຫ່ງຊາດຈີນທີ່ຈະໄຂຂຶ້ນໃນເດືອນມີນາປີ2007.
ກົດໝາຍວ່າດ້ວຍສິດຊັບສິນແມ່ນກົດໝາຍພື້ນຖານທີ່ເສີມຂະຫຍາຍບົດບາດທີ່ເປັນເສົາຄ້ຳໃນລະບົບກົດໝາຍຂອງຈີນ.ໃນຂະນະທີ່ສ່ອງແສງໃຫ້ເຫັນລະບອບເສດຖະກິດພື້ນຖານຂອງຈີນ,ຮ່າງກົດໝາຍສະບັບນີ້ໄດ້ໂຄລົບຫຼັກການທີ່ປົກປ້ອງສິດຊັບສິນຂອງສ່ວນລວມແລະສ່ວນຕົວຢ່າງສະເໝີພາບກັນ.ນອກນີ້,ຮ່າງກົດໝາຍສະບັບນີ້ຍັງພົວພັນເຖິງບັນຫາຈຸດຮ້ອນຈຳນວນໜຶ່ງ ຄື ການເກນໃຊ້ທີ່ດິນຂອງຊາວກະສິກອນແລະທີ່ດິນສ່ວນລວມໃນຊົນນະບົດຖືກຊື້ຂາຍໂດຍສ່ວນບຸກຄົນເປັນຕົ້ນ,ໃນຂະນະທີ່ເພີ່ມຄວາມແຮງໃນການປົກປ້ອງສິດຊັບສິນແຫ່ງລັດ,ຮ່າງກົດໝາຍພະຍາຍາມປົກປັກຮັກສາຜົນປະໂຫຍດອັນເປັນກົກຮາກຂອງຊາວກະສິກອນ,ແລະຊຳລະບັນຫາຕ່າງໆທີ່ພົວພັນກັບຜົນປະໂຫຍດຂອງປະຊາຊົນຢ່າງແໜ້ນແຟ້ນນັ້ນຢ່າງເໝາະສົມ ຄືການໃຊ້ແທນການມ້າງເຮືອນຢູ່ເພື່ອການສ້າງສາເປັນຕົ້ນ.
ກົດໝາຍວ່າດ້ວຍສິດຊັບສິນທີ່ໄດ້ເຂົ້າສູ່ລະບຽບການສ້າງກົດໝາຍໃນປີ2002ເຄີຍພາໃຫ້ເກີດມີການໂຕ້ຖຽງກັນຢ່າງໃຫຍ່ຢູ່ຈີນ,ແລະມັນໄດ້ກາຍເປັນຮ່າງກົດໝາຍທີ່ດຳເນີນການສຳຫຼວດພິຈາລະນາຫຼາຍກວ່າຍາມໃດໝົດໃນປະຫວັດສ້າງກົດໝາຍຂອງຈີນ.
|
|
|
