|
ປີ2005,ຍອດມູນຄ່າຜະລິດພັນສັດລ້ຽງຂອງຈີນໄດ້ຫຼາຍກວ່າ1300ຕື້ຢວນ
cri
Author: shuo
ຕາມຂ່າວສານຊິນຮວາ:ວັນທີ25ທັນວານີ້,ຢູ່ທີ່ປັກກິ່ງ,ທ່ານອິນເຊິງເຈ ລັດຖະມົນຕີຊ່ອຍວ່າການກະຊວງກະສິກຳຈີນກ່າວວ່າ,ປີ2005,ຍອດມູນຄ່າຜະລິດຕະພັນສັດລ້ຽງຂອງຈີນໄດ້ບຸກທະລຸ1300ຕື້ຢວນ,ພ້ອມກັນນັ້ນ,ໄດ້ຊັກນຳການພັດທະນາຂອງອຸດສາຫະກຳທີ່ກ່ຽວຂ້ອງ ຄືການປຸງແຕ່ງຜະລິດຕະພັນສັດລ້ຽງແລະຢຸກຢາປົວສັດເປັນຕົ້ນ.
ໃນກອງປະຊຸມໃຫຍ່ຂອງຜູ້ແທນສະມາຊິກສະມາຄົມການລ້ຽງສັດຈີນຄັ້ງທີ2ທີ່ຈັດຂຶ້ນໃນວັນທີ25ທັນວາ,ທ່ານອິນເຊິງເຈເວົ້າວ່າ,ການພັດທະນາຢ່າງວ່ອງໄວຂອງຂະແໜງການລ້ຽງສັດຂອງຈີນໄດ້ຊັກນຳການພັດທະນາຂອງອຸດສາຫະກຳທີ່ກ່ຽວຂ້ອງ ຄື ອຸດສາຫະກຳຜະລິດຫົວອາຫານສັດ ການປຸງແຕ່ງຜະລິດຕະພັນສັດລ້ຽງແລະການຜະລິດໜັງສັດເປັນຕົ້ນ,ແຕ່ລະປີໄດ້ຮັບເອົາແຮງງານຊົນນະບົດຢ່າງຫຼວງຫຼາຍ.
ຕາມສະຖິຕິຂອງສະມາຄົມການລ້ຽງສັດຈີນສະແດງໃຫ້ເຫັນວ່າ,ປີ2005,ປະລິມານການຜະລິດປະເພດຊີ້ນແລະປະເພດໄຂ່ຂອງຈີນເປັນທີໜຶ່ງຂອງໂລກ,ປະລິມານການຜະລິດປະເພດນົມເປັນທີ5ຂອງໂລກ,ປະລິມານຜະລິດຕະພັນນົມຂອງຈີນສະເລ່ຍຕໍ່ຫົວຄົນໄດ້ຈາກ7,3ກິໂລໃນປີ2000ເພີ່ມຂຶ້ນເປັນ21,7ກິໂລໃນປີ2005.
|
|
