|
ການປະຕິຮູບອັດຕາແລກປ່ຽນເງິນຢວນຈີນບໍ່ໄດ້ກະທົບຄວາມໝັ້ນທ່ຽງຂອງການທະນາຄານຈີນ
cri
Author: shuo
ຕາມຂ່າວສານຊິນຮວາ:ວັນທີ26ທັນວານີ້,ຢູ່ປັກກິ່ງ,ທ່ານໂຈ່ວສຽວຊ່ວນ ຜູ້ວ່າການທະນາ ຄານປະຊາຊົນຈີນ ເຊິ່ງເປັນທະນາຄານກາງຂອງຈີນກ່າວວ່າ,ແຕ່ປະຕິຮູບກົນໄກຈໍ່ຕົວຂອງອັດຕາແລກປ່ຽນເງິນຢວນຈີນໃນ1ປີມານີ້,ເງິນຢວນຈີນຕໍ່ເງິນໂດລາສະຫະລັດໄດ້ຂຶ້ນ ລາຄາເລັກໜ້ອຍ,ທັງນີ້ບໍ່ໄດ້ກະທົບການພັດທະນາເສດຖະກິດແລະຄວາມໝັ້ນທ່ຽງຂອງການທະນາຄານຈີນ.
ໃນເວລາລາຍງານຕໍ່ຄະນະປະຈຳສະພາປະຊາຊົນແຫ່ງຊາດຈີນ ເຊິ່ງເປັນອົງການອຳນາດແຫ່ງລັດຈີນ,ທ່ານໂຈ່ວສຽງຊ່ວນກ່າວວ່າ,ເພື່ອປະສານສົມທົບກັບການປະຕິ ຮູບກົນໄກຈໍ່ຕົວຂອງອັດຕາແລກປ່ຽນເງິນຢວນຈີນ,ຈີນໄດ້ປະກາດໃຊ້ນະໂຍບາຍແລະມາດຕະການຕ່າງໆທີ່ຊຸກຍູ້ການພັດທະນາຕະຫຼາດເງິນຕາຕ່າງປະເທດຢ່າງທັນການ,ປະຈຸບັນນີ້,ຄວາມຄ່ອງແຄ້ວຂອງອັດຕາແລກປ່ຽນເງິນຢວນຈີນໄດ້ຫຼາຍຂຶ້ນຢ່າງຈະແຈ້ງ,ບົດບາດຂອງການພົວພັນລະຫວ່າງການສະໜອງກັບຄວາມຕ້ອງການຂອງຕະຫຼາດທີ່ມີຕໍ່ການຈໍ່ຕົວຂຶ້ນຂອງອັດຕາແລກປ່ຽນນັ້ນໄດ້ຮັບການເສີມຂະຫຍາຍໃນເບື້ອງຕົ້ນ.
ທ່ານໂຈ່ວສຽວຊ່ວນຍັງກ່າວວ່າ,ຕໍ່ໄປພາຍໜ້າ,ຈີນຈະໃຊ້ມາດຕະການລົງເລິກປະຕິຮູບການທະນາຄານທຸກລາຍຕື່ມອີກ,ເພື່ອຊຸກຍູ້ເສດຖະກິດແຫ່ງຊາດພັດທະນາທັງດີທັງໄວ.
|
|
