|
ຕາມຂ່າວCRI:ວັນທີ26ທັນວາປີ2004,ໄພຄື້ນຊຶນາມິມະຫາສະໝຸດອິນເດຍໄດ້ພັດກະຫນ່ຳອາຊີອາຄະເນແລະອາຊີໃຕ້,ເຮັດໃຫ້ປະມານ2ແສນ2ໝື່ນຄົນຂອງ11ປະເທດເສຍຊີວິດ.ໃນໂອກາດວັນລະລຶກໄພຄື້ນຊູນາມິຄົບຮອບ2ປີ,ປະເທດເຫຼົ່ານີ້ໄດ້ຈັດກິດຈະກຳຕ່າງໆ,ບໍ່ພງແຕ່ເພື່ອໄວ້ອະໄລຜູ້ປະສົບເຄາະຮ້າຍເທົ່ານັ້ນ,ສຳຄັນກວ່ານັ້ນແມ່ນເພື່ອສ້າງຄວາມໝັ້ນໃຈໃຫ້ແກ່ການສ້າງສາຄືນໃໝ່ພາຍຫຼັງໄພພິບັດ.
ວັນທີ26ທັນວານີ້,ແຫ່ງຕ່າງໆຂອງອິນໂດເນເຊຍໄດ້ຈັດກິດຈະກຳໄວ້ອາໄລແລະການຟຶກຊ້ອມໜີໄພຄື້ນຊູນາມິ,ເພື່ອລະລຶກເຖິງຜູ້ເສຍຊີວິດແລະຍົກຄວາມສາມາດດຳລົງຊີວິດໃນໄພຄື້ນຊູນາມິໃຫ້ສູງຂຶ້ນ.ຢູ່ສິລັງກາແລະອິນເດຍ,ກິດຈະກຳລະລຶກສ່ວນຫຼາຍແມ່ນພິທີລະລຶກດ້ານສາດສະໜາ,ຄົນທັງຫຼາຍໄວ້ອາໄລເຖິງຜູ້ເສຍຊີວິດ,ໃຫ້ກຳລັງໃຈແກ່ຍາດພີ່ນ້ອງຂອງຜູ້ເສຍຊີວິດແລະຜູ່ຢູ່ລອດ,ສະແດງຄວາມຕັດສິນໃຈແລະຄວາມໝັ້ນໃຈທີ່ສືບຕໍ່ສ້າງບ້ານແປງເມືອງຄືນໃໝ່.ຢູ່ເມືອງໄທ,ຍ້ອນວ່າຜູ້ເສຍຊີວິດໃນຄາວນັ້ນມີປະມານເຄິ່ງໜຶ່ງແມ່ນນັກທ່ອງທ່ຽວຕາເວັນຕົກ,ສະນັ້ນກິດຈະກຳລະລຶກຍິ່ງມີສີສັນແບບຕາເວັນຕົກ.
1 2
|
