|
ປີໜ້າຈີນຈະຄວບຄຸມການເພີ່ມການລົງທຶນໃຫ້ຢູ່ລະດັບທີ່ເໝາະສົມ
cri
ຕາມຂ່າວCRI,ຫວ່າງມໍ່ໆນີ້,ຢູ່ທີ່ປັກກິ່ງ,ທ່ານມາຄາຍ ປະທານຄະນະກຳມະການພັດທະນາແລະການປະຕິຮູບແຫ່ງລັດຈີນກ່າວວ່າ,ປີໜ້າ,ຈີນຈະຄວບຄຸມການເພີ່ມການລົງທຶນໃຫ້ຢູ່ລະດັບທີ່ເໝາະສົມ,ເນັ້ນໜັກປັບປຸງອົງປະກອບການລົງທຶນ,ແລະການຍົກສູງປະສິດທິພາບຂອງການລົງທຶນ.
ທ່ານມາຄາຍກ່າວວ່າ,ປີໜ້າ,ຈີນຈະຍົກສູງເງື່ອນໄຂອະນຸມັດໂຄງການກໍ່ສ້າງໃນດ້ານທີ່ດິນ,ອະນຸລັກສິ່ງແວດລ້ອມແລະການປະຢັດພະລັງງານແລະປະຕິບັດເງື່ອນໄຂດັ່ງກ່າວຢ່າງເຄັ່ງຄັດ,ການກໍ່ສ້າງໂຄງການຕ້ອງສອດຄ່ອງກັບນະໂຍບາຍອຸດສາຫະກຳແລະແຜນພັດທະນາທີ່ກ່ຽວຂ້ອງຂອງລັດ.ຈະລົງທຶນຫຼາຍກວ່າເກົ່າເຂົ້າໃນຂົງເຂດຕ່າງໆຂອງຊົນນະບົດເຊັ່ນເງື່ອນໄຂການຜະລິດແລະການດຳລົງຊີວິດ,ການສຶກສາຂັ້ນພື້ນຖານແລະສາທາລະນະສຸກ,ການພັດທະນາພາກຕາເວັນຕົກເປັນຕົ້ນ.ພ້ອມທັງນຳໃຊ້ພາຫະນະດ້ານເສດຖະກິດເຊັ່ນຄ່າເກື້ອກູນ,ປ່ອຍເງິນກູ້ທີ່ຖົມຂຸມດອກເບ້ຍ,ສ່ວຍສາອາກອນແລະອື່ນໆ,ຊຸກຍູ້ໃຫ້ ທຶນສັງຄົມເຂົ້າສູ່ຂະແໜງການບໍລິການ,ປະຢັດພະລັງງານອະນຸລັກສິ່ງແວດລ້ອມແລະການປະດິດສ້າງຢ່າງເປັນເຈົ້າຕົນເອງນັ້ນໃຫ້ຫຼາຍກວ່າເກົ່າ.
|
|
