|
20ປີມານີ້,ຈີນໄດ້ລົງທຶນ33ຕື້ຢວນເຂົ້າໃນແຜນການຄົ້ນຄວ້າພັດທະນາເຕັກນິກສູງ
cri
Author: shuo
ຕາມຂ່າວCRI:ປີນີ້ແມ່ນຈີນເລີ່ມດຳເນີນແຜນການຄົ້ນຄວ້າພັດທະນາເຕັກນິກສູງຄົບຮອບ20ປີ.20ປີມານີ້,ຈີນໄດ້ລົງທຶນ33ຕື້ຢວນເຂົ້າໃນແຜນການດັ່ງກ່າວ,ເຊິ່ງໄດ້ຊຸກຍູ້ລະດັບແລະຄວາມສາມາດຂອງການຄົ້ນຄວ້າເຕັກນິກສູງຂອງຈີນໃຫ້ກ້າວກະໂດດໃນພາກລວມທັງໝົດ,ໄດ້ຫຼຸດຄວາມຜິດໂຕນກັນກັບປະເທດທີ່ກ້າວໜ້າໃນໂລກ.
ວັນທີ29ທັນວານີ້,ທ່ານຊູກວ້ນຮວາ ລັດຖະມົນຕີວ່າການກະຊວງວິທະຍາສາດເຕັກໂນໂລຊີຈີນແນະນຳວ່າ,ແຕ່ດຳເນີນແຜນການຄົ້ນຄວ້າພັດທະນາເຕັກນິກສູງເປັນຕົ້ນມາ,ຈີນໄດ້ຮັບໝາກຜົນປະດິດສ້າງໃໝ່ທີ່ໄດ້ບັນລຸຫຼືມໍ່ລະດັບຂອງໂລກນັ້ນຢ່າງຫຼວງຫຼາຍ,ໂດຍສະເພາະແມ່ນຈີນໄດ້ຢືນຢູ່ແຖວໜ້າຂອງໂລກໃນຫຼາຍດ້ານ ຄື ຄອມພິວເຕີທີ່ມີປະສິດທິພາບສູງ ຫຸ່ນຍົນສຳຫຼວດທະເລ ຫຸ່ນຍົນເຮັດວຽກໃນໂຮງງານ ການສັງເກດແລະຢັ່ງແທກທະເລ ເຄື່ອງປະຕິກອນນິວເຄຼຍລຸ້ນໃໝ່ແລະໂຄງການແຊງເປັນຕົ້ນ.ຕາມສະຖິຕິທີ່ບໍ່ຄົບຖ້ວນ,ປະຈຸບັນນີ້,ໝາກຜົນຂອງແຜນການຄົ້ນຄວ້າພັດທະນາເຕັກນິກສູງໄດ້ຮັບລິກຂະສິດຂອງຈີນແລະຕ່າງປະເທດ8000ກວ່າລາຍ.
ທ່ານຊູກວ້ນຮວາກ່າວວ່າ,ໃນຫຼາຍປີຂ້າງໜ້າ,ຈີນຈະກຳກັບເຕັກນິກແກ່ນສານງວດໜຶ່ງໂດຍຜ່ານແຜນການຄົ້ນຄວ້າພັດທະນາເຕັກນິກສູງ,ຍົກປະສິດທິພາບນຳໃຊ້ພະລັງງານໃຫ້ສູງຂຶ້ນ,ສະໜອງສິ່ງຄ້ຳປະກັນດ້ານເຕັກນິກເພື່ອໃຫ້ຈີນບັນລຸເປົ້າໝາຍທີ່ປະຢັດພະລັງ ງານແລະຫຼຸດການສິ້ນເປືອງໃຫ້ໜ້ອຍລົງ.
|
|
