|
ປີນີ້,ຈີນໄດ້ສະໜອງການຊ່ອຍເຫຼືອໃຫ້ແກ່86ປະເທດທີ່ພວມພັດທະນາ
cri
Author: shuo
ຕາມຂ່າວCRI:ນັບມາຮອດທ້າຍເດືອນພະຈິກ,ປີນີ້ຈີນໄດ້ສະໜອງການຊ່ອຍເຫຼືອໃຫ້ແກ່86ປະເທດທີ່ພວມພັດທະນາ,ຮັບເໝົາ51ໂຄງການເປັນຊຸດ,ແລະສະໜອງການຊ່ອຍເຫຼືອວັດຖຸທຳມະດາໃຫ້ຕ່າງປະເທດ51ງວດ.
ນີ້ແມ່ນນັກຂ່າວຮັບຂ່າວຈາກກະຊວງການຄ້າຈີນໃນວັນທີ28ທັນວານີ້.
ແຕ່ຕົ້ນປີນີ້ເປັນຕົ້ນມາ,ຈີນຍັງໄດ້ອົບຮົບວິຊາໃຫ້ຕ່າງປະເທດຢ່າງຫຼວງຫຼາຍ,ເຈົ້າໜ້າທີ່ ວິຊາການຂອງປະເທດແລະອົງການຂອງພາກພື້ນທີ່ພວມພັດທະນາ6ພັນກວ່າຄົນໄດ້ຮັບການອົບຮົມ.
ປີນີ້,ໂຄງການຊ່ອຍເຫຼືອຕ່າງປະເທດທີ່ມີມູນຄ່າຫຼາຍກວ່າຮ້ອຍລ້ານຢວນທີ່ຈີນຮັບເໝົາສ້າງນັ້ນຕົ້ນຕໍແມ່ນໂຄງການກໍ່ສ້າງໂຮງລະຄອນແຫ່ງຊາດຂອງເຊເນການ,ໂຄງການດັດສ້າງເສັ້ນທາງຂອງອົງການປົກຄອງເມືອງໄນໂລບີຂອງເກນຢາ,ໂຄງການກໍ່ສ້າງຫໍກິລາອູລານບາຕໍຂອງມົງໂກລີ,ໂຄງການກໍ່ສ້າງອາຄານການບໍລິການດ້ານການລົງທຶນຂອງເຂດພິເສດຊູເອັສເອຢິບພ້ອມດ້ວຍໂຄງການອາຄານຫ້ອງການຂອງລັດຖະບານກີເນບີໂຊເປັນ ຕົ້ນ.
ກະຊວງການຄ້າຈີນຍັງເຜີຍໃຫ້ຮູ້ວ່າ,ຈີນຈະເປີດກວ້າງຂະໜາດຊ່ອຍເຫຼືອປະເທດທີ່ພວມພັດທະນາຕື່ມອີກ,ພະຍາຍາມໃຫ້ການຊ່ອຍເຫຼືອມີປະສິດທິຜົນສູງກວ່າເກົ່າ,ສະໜອງການຊ່ອຍເຫຼືອຫຼາຍກວ່າເກົ່າໃຫ້ປະເທດທີ່ພວມພັດທະນາທີ່ມີໄມຕີຈິດຕໍ່ຈີນ ເຊິ່ງມີຄວາມຫຍ້ງຍາກດ້ານເສດຖະກິດແລະຕ້ອງການຊ່ອຍເຫຼືອ.
|
|
