ຕາມ​ຂ່າວCRI,ປີ2006,ຈີນ​ໄດ້​ກວດກາ​ອະນຸມັດ​ກາໝາຍ​ສິນຄ້າ​ທີ່​ຈົດ​ທະ​ບຽນ​ລວມ​2​ແສນ​6​ໝື່ນ​ເຄື່ອງ,​ນັບ​ລວມ​ແລ້ວ,​ກາ​ໝາຍ​ສິນຄ້າ​ທີ່​ຈົດ​ທະບຽນ​ຂອງ​ຈີນ​ໄດ້​ບັນລຸ​ເຖິງ​2​ລ້ານ​7​ແສນ​6​ໝື່ນ​ເຄື່ອງ.

ນີ້​ແມ່ນ​ນັກ​ຂ່າວ​ໄດ້​ຊາບ​ຈາກ​ກົມ​ຄຸ້ມ​ຄອງ​ບໍ​ລິ​ຫານ​ອຸດ​ສາ​ຫະ​ກຳ​ການ​ຄ້າ​ແຫ່ງ​ຊາດ​ຈີນ​ໃນ​ວັນ​ທີ​5​ມັງ​ກອນ​ນີ້.

ປີ2006,ອົງການຄຸ້ມ​ຄອງ​ບໍລິຫານອຸດສາຫະກຳ​ການ​ຄ້າ​ແຫ່ງ​ຕ່າງໆ​ຂອງຈີນ​ສືບ​ຕໍ່​ດຳ​ເນີນ​ການ​ເຄື່ອນ​ໄຫວ​ປົກ​ປ້ອງ​ສິດ​ທິ​ບັດ​ກາ​ໝາຍ​ສິນຄ້າ​ທີ່​ຈົດ​ທະບຽນ,​ໄດ້​ເຈາະ​ຈົງ​ປັບປຸງ​ຕະ​ຫຼາດ​ຂາຍ​ສົ່ງ​ຂາຍ​ຍ່ອຍ​ສິນ​ຄ້າ​ທີ່ມວນ​ຊົນ​ຈີນ​ແລະ​ຕ່າງປະ​ເທດ​ເອົາ​ໃຈ​ໃສ່​ນຳ.​ໝົດ​ປີ​2006,​ລະ​ບົບ​ຄຸ້ມ​ຄອງ​ບໍລິ​ຫານ​ອຸດ​ສາ​ຫະ​ກຳ​ການ​ຄ້າ​ໄດ້​ກວດ​ກາ​ຊຳລະ​ຄະດີ​ລ່ວງ​ລະ​ເມີດ​ສິດ​ກາ​ໝາຍ​ສິນ​ຄ້າ​ລວມ​3​ໝື່ນ​ກວ່າ​ຄະດີ,​ ​ໄດ້​ປົກ​ປ້ອງ​ສິດ​ແລະ​ຜົນ​ປະ​ໂຫຍດ​ທີ່​ຊອບ​ກົດ​ໝາຍ​ຂອງ​ຜູ່​ມີ​ສິດ​ທິ​ບັດ​ຕໍ່​ກາ​ໝາຍ​ສິນຄ້າ​ຢ່າງ​ແຂງ​ແຮງ,​ໄດ້​ປັບ​ປຸງ​ສິ່ງ​ແວດ​ລ້ອມ​ຕະ​ຫຼາດ​ໃຫ້​ດີ​ຂຶ້ນ.