|
|
 |
| (GMT+08:00)
2007-01-05 19:12:40
|
 |
|
ທະຫານອິສຣາແອນກັບຊາວປາເລັສຕິນຍິງປືນໃສ່ກັນມີ30ກວ່າຄົນຕາຍແລະບາດເຈັບ
cri
ຕາມຂ່າວCRI,ຕອນບ່າຍວັນທີ4ມັງກອນນີ້,ຢູ່ເມືອງລາມາລາທີ່ຢູ່ຝັ່ງຕາເວັນຕົກແມ່ນ້ຳຈໍແດນ,ທະຫານອິສຣາແອນກັບຊາວປາເລັສຕິນແລະຜູ່ປະກອບອາວຸດປາເລັສຕິນໄດ້ຍິງປືນໃສູ່ກັນຢ່າງດຸເດືອດ, ມີ5ຄົນເສຍຊີວິດ 30ກວ່າຄົນບາດເຈັບ.
ກອງທະຫານອິສຣາແອນກ່າວວ່າການເຄື່ອນໄຫວເທື່ອນີ້ແມ່ນເພື່ອໄລ່ຈັບຜູ່ປະກອບອາວຸດປາເລັສຕິນທີ່ຖືກສົງໄສວ່າໄດ້ເຂົ້າຮ່ວມການໂຈມຕີແບບກໍ່ການຮ້າຍຕໍ່ອິສຣາແອນ.ສອງຝ່າຍໄດ້ຍິງປືນໃສ່ກັນຢ່າງດຸເດືອດເກືອບ1ຊົ່ວໂມງ.ກອງທະຫານອິສຣາແອນໄດ້ບຸກເຂົ້າ ອາຄານຫຼັງໜຶ່ງທີ່ຢູ່ໃຈກາງເມືອງລາມາລາ,ຈັບຊາວປາເລັດສຕິນ4ຄົນແລ້ວຖອນໜີໄປ.
ມື້ດຽວກັນ,ທ່ານອັບບັສ ປະທານອົງການອຳນາດແຫ່ງຊາດປາເລັສຕິນໄດ້ກ່າວປະນາມຢ່າງຮຸນແຮງຕໍ່ການຫຼອນໂຈມຕີຂອງກອງທະຫານອິສຣາແອນ,ກ່າວວ່າ,ການຫຼອນໂຈມຕີຢ່າງຕໍ່ເນື່ອງຂອງກອງທະຫານອິສຣາແອນຈະເຮັດໃຫ້ຄວາມພະຍາຍາມທັງໝົດເພື່ອໃຫ້ປາເລັສຕິນອິສຣາແອນບັນລຸສັນຕິພາບນັ້ນປະລາໄຊຢ່າງສິ້ນເຊີງ.
ວັນທີ4ມັງກອນນີ້,ຢູ່ເມືອງຊາມ ເອວເຊອິກ ເມືອງທ່ອງທ່ຽວຂອງເອຢິບ,ໃນເວລາພົບປະທ່ານເອຮຸດ ໂອນເມີດ ນາຍົກລັດຖະມົນຕີອິສຣາແອນທີ່ໄປຢ້ຽມຢາມ,ທ່ານໂຮສນີ ມູບາລັກ ປະທານາທິບໍດີເອຢິບກ່າວວ່າ,ເອຢິບບໍ່ພໍໃຈຕໍ່ການເຄື່ອນໄຫວທາງການທະຫານຂອງກອງທະຫານອິສຣາແອນຢູ່ເມືອງລາມາລາຂອງປາເລັສຕິນ.ທ່ານຮຽກຮ້ອງອິສຣາແອນຈົ່ງຢຸດຕິການເຄື່ອນໄຫວທາງການທະຫານໃນທັນທີ,ຢຸດຕິການກະທຳໃດໆທີ່ບໍ່ມີຜົນດີຕໍ່ສັນຕິພາບ.
|
|
|
