|
|
 |
| (GMT+08:00)
2007-01-11 20:48:49
|
 |
|
ຜູ່ນຳລັດຖະສະພາອາເມລິກາຄັດຄ້ານການປັບປຸງນະໂຍບາຍຕໍ່ອີຣັກ
cri
ຕາມຂ່າວCRI:ວັນທີ10 ມັງກອນນີ້,ທ່ານບຸສ ປະທານາທິບໍດີອາເມລິກາກ່າວຄຳປາໄສທາງໂທລະພາບຕໍ່ທົ່ວປະເທດ,ປະກາດວ່າຈະປັບປຸງນະໂຍບາຍຕໍ່ອີຣັກ,ເນື້ອໃນສຳຄັນລວມທັງສົ່ງທະຫານໄປເພີ່ມຢູ່ອີຣັກແລະເພີ່ມທະວີການຊ່ອຍເຫຼືອການສ້າງສາອີຣັກຄືນໃໝ່ເປັນຕົ້ນ.
ໃນຄຳປາໄສ,ທ່ານບຸສປະກາດວ່າ,ອາເມລິກາຈະສົ່ງທະຫານ2ໝື່ນ1ພັນ5ຮ້ອຍຄົນໄປເພີ່ມຢູ່ອີຣັກ,ໃນນັ້ນສ່ວນຫຼາຍຈະໄປແບກແດດ.ທ່ານເຜີຍໃຫ້ຮູ້ວ່າ,ກອງທະຫານໜູນຊ່ອຍງວດທຳອິດຈະເຂົ້າປະຈຳຢູ່ອີຣັກກ່ອນທ້າຍເດືອນມັງກອນປີນີ້.ເພື່ອປະຕິບັດນະໂຍປາຍໃໝ່ນີ້,ທ່ານບຸສກ່າວວ່າ,ທ່ານຈະຮ້ອງຂໍ5ຕື້600ລ້ານໂດລາສະຫະລັດໃຊ້ໃນແຜນການສົ່ງທະຫານໄປເພີ່ມຢູ່ອີຣັກໃນເວລາສະເໜີງົບປະມານປະຈຳປີໃຫ້ລັດຖະສະພາໃນເດືອນກຸມພາປີນີ້,1ຕື້200ລ້ານໂດລາສະຫະລັດໃຊ້ໃນການສະໜັບສະໜູນໂຄງການສ້າງສາອີຣັກຄືນໃໝ່,ລວມທັງໝົດແມ່ນ6ຕື້800ລ້ານໂດລາສະຫະລັດ.
ພາຍຫຼັງ ທ່ານບຸສ ປະກາດ ປັບປຸງນະໂຍບາຍຕໍ່ອີຣັກແລ້ວ,ຜູ່ນຳສະພາອາເມລິກາ,ສະມາຊິກສະພາທີ່ສັງກັດພັກດີໂມແຄຼດສ່ວນຫຼາຍແລະສະມາຊິກສະພາທີ່ສັງກັດພັກລີພັບປຼີກັນຈຳນວນໜຶ່ງໄດ້ກ່າວວ່າຄັດຄ້ານເລື່ອງນີ້.ວັນທີ10ມັງກອນນີ້,ທ່ານແນນຊີເປໂລຊີ ປະທານສະພາຕ່ຳ ສະມາຊິກພັກດີໂມແຄຼດ,ທ່ານເຮຣີເຣັດ ຜູ່ນຳພັກສ່ວນຫຼາຍຂອງສະພາສູງແລະທ່ານອື່ນໆໄດ້ອອກຖະແຫຼງການຮ່ວມວ່າ,ວິທີອັນຖືກຕ້ອງໃນການປັບປຸງນະໂຍບາຍຕໍ່ອີຣັກແມ່ນມອບໜ້າທີ່ຮັກສາຄວາມປອດໄພຫຼາຍກວ່າເກົ່າໃຫ້ແກ່ລັດຖະບານອີຣັກໂດຍໄວ,ເລີ່ມຖອນທະຫານພາຍໃນ4ຫາ6ເດືອນ,ແລະ ທຳຄວາມພະຍາຍາມທາງການທູດຫຼາຍກວ່າເກົ່າຢູ່ພາກພື້ນຕາເວັນອອກກາງແລະສາກົນ.
|
|
|
