|
ຕາມຂ່າວສານຊິນຮວາ:ວັນທີ11ມັງກອນນີ້,ໃນເວລາປະເມີນສະຖານະການເສດຖະກິດ ປະຈຸບັນຂອງຮົງກົງໂດຍລວມ,ທ່ານເຈິ່ງອິ່ນຊວນ ຜູ້ວ່າການເຂດບໍລິຫານພິເສດຮົງກົງກ່າວວ່າ,ເສດຖະກິດຂອງຮົງກົງໄດ້ບັນລຸສະພາບທີ່ດີກວ່າໝູ່ໃນ20ປີຜ່ານມາ.
ໃນເວລາຕອບຄຳຖາມຂອງສະມາຊິກສະພານິຕິບັນຍັດຂອງຮົງກົງໃນວັນທີ11ມັງກອນນີ້, ທ່ານເຈິ່ງອິ່ນຊວນໄດ້ຍົກເອົາຕົວເລກເສດຖະກິດມະຫາພາກແລະຈຸນລະພາກມາປະເມີນເສດຖະກິດຂອງຮົງກົງ.ທ່ານຊີ້ອອກວ່າ,ລວມຍອດມູນຄ່າຜະລິດຕະພັນຂອງຮົງກົງໄດ້ເຕີບໂຕ7,5%ຂຶ້ນໄປ3ປີລຽນຕິດ,ເຊິ່ງສູງກວ່າໝູ່ໃນ20ປີຜ່ານມາ;ໃນສາມປີມານີ້,ຮົງກົງໄດ້ຮັກສາລະດັບເງິນເຟີ້ຕ່ຳກວ່າ2%ຕະຫຼອດມາ;ໃນດ້ານໂຄງປະກອບເສດຖະກິດ,ຂະ ແໜງການທະນາຄານ ການຄ້າແລະການຈໍລະຈອນສິນຄ້າຂອງຮົງກົງໃນປະຈຸບັນໄດ້ມີທ່ວງທ່າຫັນເປັນຫຼາຍເຄົ້າ,ສາມາດຮັບມືກັບເຫດການນອກຄວາມຄິດ.
ທ່ານເຊິ່ງອິ່ນຊວນຍັງກ່າວວ່າ,ອົງປະກອບຜູ້ອອກແຮງງານຂອງຮົງກົງກໍໄດ້ບັນລຸສະ ພາບທີ່ດີກວ່າໝູ່ໃນ20ປີຜ່ານມາ,ໃນດ້ານລາຍໄດ້,ບຸກຄົນທີ່ມີເງິນເດືອນ1ໝື່ນ5ພັນໂດລາຮົງກົງຫຼືຫຼາຍກວ່ານັ້ນໄດ້ກວມ34%ຂອງຜູ້ອອກແຮງງານທັງໝົດ.
|
