|
|
 |
| (GMT+08:00)
2007-01-15 19:56:19
|
 |
|
ທ່ານເວີ່ນເຈ່ຍປາວເຈລະຈາກັບທ່ານນາງອາໂຣໂຢ
cri
Author: cai
ຕາມຂ່າວCRI:ວັນທີ 15 ມັງກອນນີ້,ຢູ່ມານີລາ,ທ່ານເວີ່ນເຈ່ຍປາວ ນາຍົກລັດຖະມົນຕີຈີນໄດ້ເຈລະຈາກັບທ່ານນາງໂກຼເຣຍ ມາຄາພາກາ ອາໂຣໂຢ ປະທານາທິບໍດີຟີລິບປິນ,ສອງຝ່າຍໄດ້ແລກປ່ຽນຄວາມເຫັນກ່ຽວກັບການພົວພັນລະຫວ່າງສອງຝ່າຍແລະບັນຫາພາກພື້ນແລະສາກົນທີ່ສົນໃຈນຳກັນ.
ໃນເວລາເລີ່ມເຈລະຈາ,ທ່ານນາງອາໂຣໂຢເວົ້າວ່າ,ຢູ່ພາກພື້ນອາຊີຕາເວັນອອກ,ການພົວພັນຄູ່ເຈລະຈາລະຫວ່າງຈີນກັບອາຊຽນມີພະລັງຊີວິດຫຼາຍກວ່າໝູ່.ການພົວພັນລະຫວ່າງຟີລິບປິນກັບຈີນພວມຢູ່ໃນໄລຍະດີທີ່ສຸດໃນປະຫວັດສາດ,ສະນັ້ນ,ການຢ້ຽມຢາມຂອງທ່ານເວີ່ນເຈ່ຍປາວເທື່ອນີ້ແມ່ນສຳຄັນທີ່ສຸດຕໍ່ການພັດທະນາຂອງພາກພື້ນແຫ່ງນີ້.
ທ່ານເວີ່ນເຈ່ຍປາວເວົ້າວ່າ,ຈຸດປະສົງການຢ້ຽມຢາມຂອງທ່ານແມ່ນເພື່ອເພີ່ມທະວີມິດຕະພາບກັບຟີລິບປິນ,ເປີດກວ້າງການຮ່ວມມື.ຝ່າຍຈີນຍິນດີພ້ອມກັນກັບຟີລິບປິນຂະຫຍາຍການພົວພັນລະຫວ່າງສອງປະເທດຕື່ມອີກບົນພື້ນຖານສະເໝີພາບ ໄວ້ເນື້ອເຊື່ອໃຈກັນແລະຕ່າງຝ່າຍຕ່າງມີຜົນປະໂຫຍດ.
ທ່ານເວີ່ນເຈ່ຍປາວເດີນທາງໄປຮອດມານີລາໃນວັນທີ 15 ມັງກອນນີ້,ເລີ່ມຢ້ຽມຢາມຟີລິບປິນຢ່າງເປັນທາງການ.ກ່ອນການເຈລະຈາ,ທ່ານໄດ້ເຂົ້າຮ່ວມພິທີໃຫ້ກຽດຕ້ອນຮັບທີ່ທ່ານນາງອາໂຣໂຢຈັດຂຶ້ນ.
|
|
|
