|
ປີ 2007 ມາດຕະການປ້ອງກັນຄວາມໝັ້ນຄົງຕ່າງໆຂອງງານໂອລິມປິກປັກກິ່ງຈະຮັບການປະຕິບັດຮອບດ້ານ
cri
Author: cai
ຕາມຂ່າວສານຊີນຮວາ:ວັນທີ 15 ມັງກອນນີ້,ຢູ່ປັກກິ່ງ,ທ່ານຊຽງເວີ້ຍ ຫົວໜ້າໜ່ວຍປະສານງານການປ້ອງກັນຄວາມໝັ້ນຄົງຂອງງານໂອລິມປິກຄັ້ງທີ 29 ຊີ້ອອກວ່າ,ປີ 2007 ຈະເປັນປີສຳຄັນກວ່າໝູ່ສຳລັບວຽກງານກຽມການປ້ອງກັນຄວາມໝັ້ນຄົງງານໂອລິມປິກປັກກິ່ງ,ມາດຕະການປ້ອງກັນຄວາມໝັ້ນຄົງຕ່າງໆຈະຮັບການປະຕິບັດຮອບດ້ານ,ແລະຈະຜ່ານການກວດກາຂອງການແຂ່ງຂັນ 26 ລາຍຂອງຄະນະກຳມະການໂອລິມປິກສາກົນ,ເພື່ອສະຫຼຸບປະສິດທິຜົນ.
ທ່ານຊຽງເວີ້ຍເວົ້າວ່າ,ງານໂອລິມປິກປັກກິ່ງຢາກບັນລຸເປົ້າໝາຍຂອງຄວາມໝັ້ນຄົງຮອບດ້ານ,ຕ້ອງການການຮ່ວມມືຢ່າງສຸດໃຈຂອງປະຊາຄົມໂລກ,ໂດຍສະເພາະແມ່ນການແລກປ່ຽນກັບປະເທດແລະເຂດແຄວ້ນຕ່າງໆທີ່ເຂົ້າຮ່ວມການແຂ່ງຂັນ,ຫວັງວ່າບົນພື້ນຖານການຮ່ວມມືເປັນຢ່າງດີທີ່ໄດ້ສ້າງຂຶ້ນໃນເມື່ອກ່ອນ,ເພີ່ມທະວີການພົວພັນຕື່ມອີກ ສ້າງກົນໄກການຮ່ວມມືປ້ອງກັນຄວາມໝັ້ນຄົງຂອງງານໂອລິມປິກ,ສົ່ງຂໍ້ມູນຂ່າວສານໃຫ້ແກ່ກັນ,ດຳເນີນການຮ່ວມມືທີ່ບັງເກີດຜົນຢ່າງເຕັມສ່ວນ,ພ້ອມກັນພະຍາຍາມເພື່ອຈັດງານໂອລິມປິກທີ່ມີຄວາມສະຫງົບຮຽບຮ້ອຍຄັ້ງໜຶ່ງ.
|
|
