|
|
 |
| (GMT+08:00)
2007-01-17 15:58:37
|
 |
|
ຫ້ອງການວຽກງານໄຕ້ຫວັນຂອງຈີນກ່າວວ່າເດັດຂາດແຜ່ນດິນໃຫຍ່ຈີນຈະບໍ່ໃຫ້ໄຕ້ຫວັນເປັນເອກະລາດ
cri
Author: sayvanny
ຕາມຂ່າວ cri:ວັນທີ 17 ມັງກອນນີ້,ຢູ່ປັກກິ່ງ, ທ່ານຢາງອີ້ ໂຄສົກຜູ່ໃຫມ່ຂອງຫ້ອງການວຽກງານໄຕ້ຫວັນຂອງລັດຖະບານຈີນກ່າວວ່າ, ປີນີ້ແມ່ນປີສຳຄັນທີ່ຄັດຄ້ານໄຕ້ຫວັນເປັນເອກະລາດແລະປົກປັກຮັກສາສັນຕິພາບຢູ່ຊ່ອງແຄບໄຕ້ຫວັນ.ຝ່າຍແຜ່ນດິນໃຫຍ່ເດັດຂາດບໍ່ຍອມໃຫ້ໄຕ້ຫວັນເປັນເອກະລາດ, ແລະເດັດຂາດບໍ່ອະນຸຍາດໃຫ້ໃຜມາແບ່ງແຍກໄຕ້ຫວັນອອກຈາກຈີນຈະດ້ວຍຮູບການໃດໆກໍ່ຕາມ.
ໃນກອງປະຊຸມຖະແຫລງຂ່າວທີ່ຫ້ອງການວຽກງານໄຕ້ຫວັນຂອງລັດຖະບານຈີນຈັດຂຶ້ນເປັນປະຈຳ,ທ່ານຢາງອີ້ກ່າວວ່າ,ປີນີ້, ກິດຈະກຳຂອງເຈົ້າຫນ້າທີ່ໄຕ້ຫວັນທີ່ຈະປະຕິຮູບອັນທີ່ວ່າລັດຖະທຳມະນູນເພື່ອໃຫ້ໄຕ້ຫວັນເປັນເອກະລາດຖືກຕ້ອງຕາມກົດຫມາຍນັ້ນໄດ້ເຂົ້າສູ່ໄລຍະຈິງຈັງແລ້ວ, ການພົວພັນລະຫວ່າງສອງຝັ່ງຊ່ອງແຄບໄຕ້ຫວັນຈະປະເຊີນກັບການທ້າທາຍຢ່າງໃຫຍ່.ຝ່າຍແຜ່ນດິນໃຫຍ່ຈະສືບຕໍ່ຍຶດຫມັ້ນທິດທາງພື້ນຖານທີ່ໂຮມປະເທດໃຫ້ເປັນເອກະພາບກັນໂດຍສັນຕິ,ປະເທດຫນຶ່ງສອງລະບອບ,ພະຍາຍາມສ້າງການພົວພັນສອງຝັ່ງທີ່ຂະຫຍາຍຕົວຢ່າງສັນຕິແລະຫມັ້ນທ່ຽງ,ສືບຕໍ່ເປີດກວ້າງການໄປມາຫາສູ່ກັນລະຫວ່າງບຸກຄົນຂອງແຜ່ນດິນໃຫຍ່ກັບໄຕ້ຫວັນ, ຫວັງວ່າປະຊາຊົນແຜ່ນດິນໃຫຍ່ຈີນຈະໄດ້ໄປທ່ອງທ່ຽວຢູ່ໄຕ້ຫວັນໂດຍໄວ,ແລະມີບາດກ້າວໃຫມ່ໃນດ້ານການໃຫ້ສອງຝັ່ງບັນລຸການຄ້າ ໄປສະນີ ການເດີນເຮືອແລະການບິນໂດຍກົງ.
|
|
|
