|
ທ່ານຫຼີຊາງຊຸ່ນກ່າວວ່າ,ເພີ່ມການສ້າງຄຸນຄ່າດ້ານຈິດໃຈແລະເງື່ອນໄຂວັດທະນະທຳໃຫ້ແກ່ການສ້າງຊົນນະບົດໃໝ່ສັງຄົມນິຍົມ
cri
Author: m
ຕາມຂ່າວສານຊິ່ນຮວາ: ທ່ານຫຼີຊາງຊຸ່ນ ກຳມະການປະຈຳກົມການເມືອງສູນກາງພັກກອມມູນິດຈີນກ່າວວ່າ, ຕ້ອງເພີ່ມທະວີການສ້າງພື້ນຖານໂຄງລ່າງດ້ານວັດທະນະທຳໃນຊົນນະບົດ, ຍົກລະດັບອາລະຍະທຳຊົນນະບົດແລະຄຸນທາດໂດຍລວມຂອງຊາວກະສິກອນໃຫ້ສູງຂຶ້ນເລື້ອຍໆ, ເພີ່ມການສ້າວຄຸນຄ່າດ້ານຈິດໃຈ, ການສະໜັບສະໜູນດ້ານພະລັງປັນຍາແລະເງື່ອນໄຂວັດທະນະທຳອັນດີງາມໃຫ້ແກ່ການສ້າງຊົນນະບົດໃໝ່ສັງຄົມນິຍົມ.
ຫວ່າງມໍ່ໆນີ້, ທ່ານຫຼີຊາງຊຸ່ນໄດ້ໄປສຳຫຼວດຊົນນະບົດ, ເຂດຊຸມຊົນ, ຫົວໜ່ວຍໂຄສະນາວັດທະນະທຳຂອງເມືອງຈ້ານຈ່ຽງ, ກວາງໂຈ່ວ, ຊາວກ່ວນແລະແຫ່ງອື່ນໆຂອງແຂວງກວງຕຸ້ງ, ເພື່ອເກັບກຳຂໍ້ມູນໃນການສ້າງຊົນນະບົດໃໝ່ສັງຄົມນິຍົມແລະເພີ່ມທະວີການສ້າງສາວັດທະນະທຳໃນຊົນນະບົດ.
ທ່ານຫຼີຊາງຊຸ່ນກ່າວເນັ້ນວ່າ, ສ້າງລະບົບບໍລິການວັດທະນະທຳສາທາລະນະໃນຊົນນະບົດ, ຕ້ອງເພີ່ມທະວີການກໍ່ສ້າງການບໍລິການວັດທະນະທຳສາທາລະນະທີ່ນຳທາງໂດຍລັດຖະບານ. ຕ້ອງເຮັດໃຫ້ທຸກບ້ານມີວິທະຍຸຟັງແລະມີໂທລະພາບເບິ່ງ, ເລັ່ງລັດສ້າງກິດຈະການແບ່ງປັນຊັບພະຍາກອນຂໍ້ມູນຂ່າວສານວັດທະນະທຳທົ່ວປະເທດ, ດຳເນີນກິດຈະການໃຫ້ຄວາມສະດວກດ້ານວັດທະນະທຳແກ່ຊາວກະສິກອນ, ເຊັ່ນ: ຈັດຕັ້ງການສາຍຮູບເງົາຢູ່ຊົນນະບົດ, ສ້າງຫ້ອງສະໝຸດຂອງຊາວນາເປັນຕົ້ນໃຫ້ດີ, ສະໜອງຜະລິດຕະພັນແລະການບໍລິການດ້ານວັດທະນະທຳສາທາລະນະທີ່ປະຊາຊົນຊົນນະບົດຕ້ອງການນັ້ນໃຫ້ຫຼາຍກວ່າເກົ່າແລະດີກວ່າເກົ່າ. ຕ້ອງເອົາໃຈໃສ່ໃນລະດັບສູງນຳການສ້າງຫໍວັດທະນະທຳຢູ່ຊົນນະບົດ, ແລະເສີມຂະຫຍາຍບົດບາດອັນຕັ້ງໜ້າຂອງຫໍວັດທະນະທຳສັງລວມຂອງຊົນນະບົດທີ່ສະໜອງການບໍລິການວັດທະນະທຳສາທາລະນະ, ຊີ້ນຳການເຄື່ອນໄຫວວັດທະນະທຳຂັ້ນພື້ນຖານ, ແລະເພີ່ມທະວີການຄຸ້ມຄອງຕະຫຼາດວັດທະນະທຳ.
|
|
