|
|
 |
| (GMT+08:00)
2007-01-19 18:49:45
|
 |
|
ຈີນຈະວາງມາດຕະການສະໜັບສະໜູນເພື່ອຊຸກຍູ້ແພດສາດຈີນແລະຢາພື້ນເມືອງຈີນໃຫ້ພັດທະນາແບບຍືນຍົງ
cri
Author: cai
ຕາມຂ່າວCRI:ຈີນຈະຍຶດໝັ້ນໃຫ້ຄວາມສຳຄັນແກ່ແພດສາດຕາເວັນຕົກແລະແພດສາດຈີນຢ່າງສະເໝີພາບກັນ,ເສີມຂະຫຍາຍເອກະລັກແລະທ່າແຮງຂອງແພດສາດຈີນແລະຢາພື້ນເມືອງຈີນຢ່າງເຕັມທີ່,ຄົ້ນຄວ້າວາງນະໂຍບາຍແລະມາດຕະການທີ່ສະໜັບສະໜູນການພັດທະນາຂອງແພດສາດຈີນແລະຢາພື້ນເມືອງຈີນ,ຊຸກຍູ້ແພດສາດຈີນແລະຢາພື້ນເມືອງຈີນໃຫ້ພັດທະນາຢ່າງຮອບດ້ານ ກົມກຽວກັນແລະແບບຍືນຍົງ.
ນີ້ແມ່ນເຜີຍໃຫ້ຮູ້ໃນວຽກງານສຳຄັນທາງສາທາລະນະສຸກປີ 2007 ທີ່ກະຊວງສາທາລະນະສຸກຈີນປະກາດໃນວັນທີ 19 ມັງກອນນີ້.
ອີງຕາມວຽກງານສຳຄັນ,ປີນີ້,ຈີນຈະເພີ່ມທະວີການສ້າງແຫຼ່ງຄົ້ນຄວ້າວິທີປິ່ນປົວດ້ວຍແພດສາດຈີນແລະໂຮງໝໍແພດສາດຈີນ;ຍຶດໝັ້ນການປະດິດສ້າງດ້ານແພດສາດຈີນແລະຢາພື້ນເມືອງຈີນ,ຄົ້ນຄວ້າຊອກຫາເຕັກນິກໃໝ່ແລະວິທີໃໝ່ໃນການປ້ອງກັນແລະປົວພະຍາດສຳຄັນ,ຊຸກຍູ້ໃຫ້ແພດສາດຈີນແລະຢາພື້ນເມືອງຈີນເປັນມາດຖານ ເຂົ້າສູ່ລະບຽບແບບແຜນແລະທັນສະໄໝ.
ແພດສາດຈີນແລະຢາພື້ນເມືອງຈີນທີ່ໃຊ້ຢາທຳມະຊາດປົວພະຍາດຢູ່ໃນປະເທດຈີນນັ້ນໄດ້ມີປະຫວັດສາດ 3000 ກວ່າປີແລ້ວ,ປະຈຸບັນ,ໄດ້ເຜີຍແຜ່ໄປຮອດ 120 ກວ່າປະເທດແລະເຂດແຄວ້ນໃນໂລກ.
|
|
|
