|
ຮອດປີ2010,ມູນຄ່າຕື່ມຂອງວິສາຫະກິດຊົນນະບົດຈີນຈະບັນລຸ7980ຕື້ຢວນ
cri
Author: shuo
ຕາມຂ່າວCRI:ຮອດປີ2010,ມູນຄ່າຕື່ມຂອງວິສາຫະກິດຊົນນະບົດຂອງຈີນຈະບັນລຸເຖິງປະມານ7980ຕື້ຢວນ,ຜູ້ປະກອບອາຊີບໃນວິສາຫະກິດເຫຼົ່ານີ້ຈະຫຼາຍກວ່າ150ລ້ານຄົນ.
ຫວ່າງມໍ່ນີ້,ກະຊວງກະສິກຳຂອງຈີນໄດ້ປະກາດແຜນການພັດທະນາສະບັບໜຶ່ງເຊິ່ງເຜີຍໃຫ້ຮູ້ຂ່າວດັ່ງກ່າວ.
ຕາມແຜນການ,ໃນຫຼາຍປີຕໍ່ໜ້າ,ຈີນຈະຊຸກຍູ້ວິສາຫະກິດຊົນນະບົດຈາກແບບສິ້ນເປືອງຊັບພະຍາກອນຫັນໄປສູ່ແບບປະຢັດຊັບພະຍາກອນ;ສະໜັບສະໜູນວິສາຫະກິດຊົນນະບົດໃຊ້ມາດຕະການທີ່ບັງເກີດຜົນເພື່ອຮັບເອົາແຮງງານເຫຼືອຂອງຊົນນະບົດ,ເຮັດໃຫ້ຊາວກະສິກອນມີລາຍໄດ້ເພີ່ມຂຶ້ນ;ຄ້ຳຊູວິສາຫະກິດຊົນນະບົດພັດທະນາຂະແໜງການປຸງແຕ່ງຜະລິດຕະພັນກະສິກຳ,ຍົກຄວາມສາມາດປະດິດສ້າງໃນການປຸງແຕ່ງຜະລິດຕະພັນກະສິ ກຳໃຫ້ສູງຂຶ້ນ.
ຕາມສະຖິຕິເບື້ອງຕົ້ນ,ໃນປີ2006,ມູນຄ່າຕື່ມຂອງວິສາຫະກິດຊົນນະບົດຈີນໄດ້ບັນລຸ 5750ຕື້ຢວນ,ຫຼາຍກວ່າປີ2005 13%.
ແຕ່ປີ1979ເປັນຕົ້ນມາ,ວິສາຫະກິດຊົນນະບົດຂອງຈີນໄດ້ພັດທະນາຢ່າງວ່ອງໄວ.ປະຈຸບັນນີ້,ວິສາຫະກິດຊົນນະບົດໄດ້ກາຍເປັນເສົາຄ້ຳອັນສຳຄັນຂອງເສດຖະກິດຈີນ,ພ້ອມກັນນັ້ນ,ຍັງໄດ້ເສີມຂະຫຍາຍບົດບາດອັນສຳຄັນໃນການແກ້ໄຂບັນຫາຫາວຽກເຮັດງານທຳຂອງແຮງງານເຫຼືອໃນຊົນນະບົດ.
|
|
