|
|
 |
| (GMT+08:00)
2007-01-21 18:03:56
|
 |
|
ການປະກັນໄພກະສິກຳຂອງຈີນເຕີບໂຕອ່າວໄວ
cri
Author: shuo
ຕາມຂ່າວCRI:ໃນປີ2006,ການປະກັນໄພກະສິກຳຂອງຈີນໄດ້ເຕີບໂຕອ່າວໄວ,ລາຍໄດ້ຈາກຄ່າປະກັນໄພມີ850ລ້ານຢວນ,ຫຼາຍກວ່າປີ2005 16%,ໄດ້ກາຍເປັນທຸລະການໃໝ່ທີ່ມີການເຕີບໂຕຂອງຂະແໜງການປະກັນໄພ.
ວັນທີ21ມັງກອນນີ້,ກອງປະຊຸມວຽກງານປະກັນໄພທົ່ວປະເທດຈີນປີ2007ທີ່ຈັດຂຶ້ນຢູ່ປັກກິ່ງໄດ້ແຈ້ງຂ່າວດັ່ງກ່າວ.
ໃນກອງປະຊຸມ,ທ່ານອູຕີ້ງຟູ້ ປະທານຄະນະກຳມະການຕິດຕາມຄຸ້ມຄອງການປະກັນໄພຂອງຈີນກ່າວວ່າ,ໃນປີ2006,ຂະແໜງການປະກັນໄພຂອງຈີນໄດ້ດຳເນີນວຽກງານທົດລອງການປະກັນໄພກະສິກຳປະເພດຕ່າງໆໂດຍແນໃສ່ຈຸດພິເສດຂອງທ້ອງຖິ່ນຕ່າງກັນ,ນັບລວມແລ້ວ,ໄດ້ຮັບການປະກັນໄພໃຫ້ພືດພັນທັນຍາຫານເກືອບ10ລ້ານເຮັກຕາ,ພ້ອມດ້ວຍສັດລ້ຽງ200ລ້ານກວ່າໂຕ.ນອກນີ້.ຂະແໜງການປະກັນໄພຂອງຈີນຍັງໄດ້ຕັ້ງໜ້າເຮັດການປະກັນໄພລ້ຽງຜູ້ເຖົ້າໃຫ້ຊາວກະສິກອນທີ່ດິນປູກຝັງຖືກເກນໃຊ້,ແລະເຮັດການປະກັນໄພໃຫ້ຊາວກະສິກອນຜູ້ໄປເຮັດວຽກໃນຕົວເມືອງ,ຊາວກະສິກອນທີ່ເຂົ້າຮ່ວມການປະກັນໄພຫຼາຍກວ່າ100ລ້ານເທື່ອຄົນ.
|
|
|
